چەمپيوندار ليگاسى: «قايرات» «كۋپس» كومانداسىنان جەڭىلدى

الماتىنىڭ «قايرات» فۋتبول كلۋبى UEFA چەمپيوندار ليگاسى ەكىنشى ىرىكتەۋ تۋرنيرىندە سىرت الاڭدا فينليانديانىڭ «كۋپس» كومانداسىمەن ويناپ، 0:2 ەسەبىمەن جەڭىلىپ قالدى.

ماتچتىڭ ەكىنشى تايمىنىڭ 49-مينۋتىندا موحامەد تۋرە «قايرات» قاقپاسىنان ءدال كوزدەسە، يااككو وكسانەن 71-مينۋتتا ەكىنشى گولدىڭ اۆتورى اتاندى.

ەندى ەكىنشى ويىن 29 شىلدەدە الماتىدا بولادى.

ەگەر «قايرات» ءوز الاڭىندا «كۋپس» كومانداسىن جەڭسە، چەمپيوندار ليگاسىنىڭ ءۇشىنشى ىرىكتەۋ تۋرنيرىندە «سلوۆان» (سلوۆاكيا) مەن «زرينسكي» (بوسنيا جانە گەرتسوگوۆينا) كوماندالارىنىڭ بىرىمەن وينايدى. ال فينليانديانىڭ جاساعىن جەڭە الماسا، ەۋروپا ليگاسى ءۇشىنشى ىرىكتەۋ كەزەڭىندە رفش (لاتۆيا) مەن «مالميو» (شۆەتسيا) كوماندالارىنىڭ ويىنىندا جەڭىلگەن كلۋبپەن كۇش سىناسادى.

ءبىرىنشى ىرىكتەۋ كەزەڭىندە «قايرات» ەكى ويىننىڭ ناتيجەسىمەن سلوۆەنيانىڭ «Qليمپياسىن» (1:1، 2:0) ەسەبىمەن جەڭگەن ەدى.

داستان كەنجالين،

استانا