بيىلعى جىلدىڭ ۇيلەنۋ تويىنىڭ ترەندتەرى: شاعىن ورتا، اشىق اسپان استىنداعى سالتانات جانە داستۇرگە قۇرمەت

قازىرگى جاس جۇبايلار ءسان-سالتاناتى اسىپ-تاسقان ۇلكەن تويلاردان گورى، جانعا جايلى، شىنايى سەزىمگە تولى، ءار ءساتى مۇقيات ويلاستىرىلعان شاعىن تويلاردى ءجيى تاڭدايدى.

بيىلعى جىلى ۇيلەنۋ تويلارىن تابيعات اياسىندا وتكىزۋ، جاسىل جەلەكتىڭ ورتاسىندا  مەرەكەلىك داستارحان جايۋ سانگە اينالۋدا. ءارى، وتباسىن قۇرۋعا سانالى ءارى جاۋاپتى كوزقاراس تا بايقالادى.

عاشىقتار «Almaty Resort» شيپاجايىن تەك دەمالىس ورنى رەتىندە ەمەس، ەرەكشە كۇنگە ارنالعان عاجايىپ الاڭ رەتىندە دە ءجيى تاڭدايدى. شيپاجاي اۋماعىندا 21 گەكتارلىق ساياباق ورنالاسقان: بيىك اعاشتار، كوگالدى الاڭدار مەن تاۋدىڭ ساف اۋاسى تابيعي ۇندەستىك پەن وڭاشالىق سەزىمىن سىيلايدى.

ەڭ تانىمال سالتاناتتار بىزدە ءدال وسى ساياباقتا — گۇلمەن بەزەندىرىلگەن اركا استىندا، اعاشتاردىڭ اراسىندا وتەدى. مەيرامحانا قابىرعاسىنىڭ ورنىنا تابيعات پەن قۇستاردىڭ سايراعانى — مۇلدە باسقا سەزىم سىيلايدى. كەشكى اس تا وسىندا، اشىق اسپان استىندا ۇيىمداستىرىلادى. بۇل وتە ءساندى ءارى شىنايى كورىنەدى. ءوزىڭدى ناعىز كينو كەيىپكەرىندەي سەزىنەسىڭ، — دەيدى «Almaty Resort» شيپاجايىنىڭ ماركەتولوگى ۆالەريا ديگاي.

ونىڭ ايتۋىنشا، جاس جۇبايلار تويعا ەڭ جاقىن جاندارىن عانا شاقىرىپ، قالعان تۋىستارى مەن دوستارى ءۇشىن ءراسىمدى ونلاين تىكەلەي ەفيردە تاماشالاۋ مۇمكىندىگىن ۇسىنادى.

بىزدە بۇل ءۇشىن بارلىق جاعداي جاسالعان: ساپالى دىبىس، تۇراقتى ينتەرنەت قولجەتىمدى. قوناقتار الىستا بولسا دا، ماڭىزدى ساتكە كۋا بولا الادى، — دەپ تولىقتىردى ول.

مۇنداي فورمات ءسان-سالتاناتتى، شىنايىلىقتى جانە قالىپتاسقان قاعيدالاردان تىس ەركىندىكتى باعالايتىن جۇپتارعا ەرەكشە ۇنايدى. قوناقتاردىڭ سانى ادەتتە 20-دان 80 ادامعا دەيىن بولادى — بۇل ءاربىر قوناققا جەكە كوڭىل بولۋگە ءارى كەشتى جىلى، وتباسىلىق اتموسفەرادا وتكىزۋگە مۇمكىندىك بەرەدى.

بەتاشار، شاشۋ سىندى قازاقتىڭ داستۇرلەرى جاندى مۋزىكا، تابيعات اياسىنداعى نەكە قيۋ ءراسىمى، قوناقتاردىڭ جۇرەكجاردى تىلەكتەرى سياقتى ەۋروپالىق ەلەمەنتتەرمەن ۇيلەسىمدى ۇشتاسادى. مازىردە دە تالعام ۇيلەسىمى ساقتالعان: باۋىرساقتان باستاپ اۆتورلىق تىسكەباسارلارعا دەيىن ءارتۇرلى تاعام ۇسىنىلادى.

ءبىز اس ءمازىرىن كەشتىڭ فورماتىنا قاراي ۇيلەستىرىپ بەرەمىز. بىرەۋلەر ءداستۇرلى ىستىق تاعامدى قالاسا، ەندى ءبىرى — جەڭىل كاناپە مەن تريۋفەل مايىمەن دايىندالعان پاستانى تاڭدايدى. ال كەسىلگەن ەت، قازى-قارتاسىز بىردە-ءبىر توي وتپەيتىن شىعار – بۇل ءبىزدىڭ ۇلتتىق كودىمىز. ءبىز ءۇشىن اس ءمازىرى دە تويدىڭ جالعاسى ىسپەتتەس: جەڭىل، مەرەكەلىك ءارى ەستەتيكالىق بولۋى ءتيىس، – دەيدى تاماقتاندىرۋ ءبولىمىنىڭ جەتەكشىسى ولجاس بەكەنوۆ.

سوڭعى ۋاقىتتا ادام ومىرىندەگى ماڭىزدى كەزەڭگە سانالى تۇردە قادام باسۋ بايقالادى. ستاتيستيكا بويىنشا، 2025 جىلدىڭ العاشقى ءۇش ايىندا قازاقستاندا شامامەن 22،5 مىڭ نەكە تىركەلگەن — بۇل وتكەن جىلدىڭ وسى كەزەڭىمەن سالىستىرعاندا 16%-عا از. بۇگىندە كوپتەگەن جۇپتار وتباسىن قۇرۋدى كەزدەيسوق ەمەس، سانالى تۇردە، شىنىمەن دايىن بولعان كەزدە عانا جوسپارلايدى.

ۇيلەنۋ تويى — اۋقىم ءۇشىن جارىس ەمەس، ءمان-ماعىنا ءۇشىن جاسالاتىن ەرەكشە ءسات. بيىلعى تويلاردىڭ كەلبەتى وسىنداي. بۇل كۇنى ءبارى ماڭىزدى: وتەتىن ورىن، اتموسفەرا، جانىڭداعى ەڭ جاقىن ادامدار جانە ەڭ باستىسى — جاڭا وتباسىنىڭ قۇرىلۋ ساتىندەگى جۇرەكتى تەربەيتىن ءسات.

نۇرلان قۇمار،

الماتى