UEFA Chempıondar lıgasy. «Qaırat» kambek jasady

«Qaırat» klýby UEFA Chempıondar lıgasy ekinshi irikteý kezeńinde kambek jasady.

Almatynyń fýtbol komandasy Fınlıandııanyń KýPS jasaǵynan syrt alańda 2:0 esebimen jeńilgenine qaramastan, Ortalyq stadıonda myńdaǵan jankúıerdiń aldynda 3:0 esebimen jeńip, jarystyń úshinshi kezeńine shyqty.

Machta «Qaırat» qarsylastarynan alańnyń barlyq jerinde ústemdik tanytty. Olar oıyn bastalysymen qonaqtardyń qaqpasyna jıi-jıi shabýyl jasap, syrt alańda ketken eseni qaıtarýǵa tyrysty.

9-mınýtta Dastan Sátpaev alǵashqy goldyń avtory atandy. Onyń alystan shirene tepken doby «KýPS-tyń» qaqpasynan bir-aq shyqty. Sodan keıin Jorjıno 29-mınýtta, Valerıı Gromyko 44-mınýtta nysanany dál kózdedi. Ásirese, Gromykonyń sol qaptaldan atyp shyǵyp, «toǵyzdyqqa» tıgen dobyna talaı jankúıer tańdaı qaqty.

Ekinshi taımda Sýomı eliniń komandasy tarazy basyn teńestirýge tyrysqanymen, olarynan eshteńe shyqpady.Osylaısha «Qaırat» asa mańyzdy oıynda 3:0 esebimen jeńip, týrnırdiń úshinshi irikteý kezeńine shyqty.

Endi «Qaırat» «Slovan» (Slovakııa) men «Zrınskı» (Bosnııa jáne Gerogovına) komandalarynyń matchynda jeńgen klýbpen oınaıdy.

Birinshi irikteý kezeńinde Almatynyń klýby eki oıynnyń nátıjesimen Slovenııanyń «Olımpııasyn» (1:1, 2:0) esebimen jeńdi.

Dastan KENJALIN,

ASTANA