Azııa chempıonaty: Qazaqstan parataekvondo quramasy bes júldeni jeńip aldy

Malaızııanyń Kýchıng qalasynda parataekvondodan (pýmse) ótken Azııa chempıonatynda Qazaqstan quramasynyń sportshylary 2 altyn, 2 kúmis jáne 1 qola júlde jeńip aldy, dep habarlady Taekvondo federaııasy.

Abzal Ahmetkereı (R31 sanaty) men Karen Ovsepıan (R33 sanaty) chempıon atandy. Eldos Jánibek (R34 sanaty) pen Dáýren Serikov (R33 sanaty) kúmis júldeger bolsa, Aıdarbek Rasqalıev (R21 sanaty) qola medaldi ıelendi.

Endi taıaý arada Astanada taekvondodan halyqaralyq Kazakhstan Open týrnıriniń jalaýy kóteriledi. Onda jasóspirimder, jastar jáne eresekter kúsh synasady. Ázirshe oǵan 750-den astam sportshy qatysatynyn rastap otyr.

Bul dodaǵa Aýǵanstan, Armenııa, Kanada, Franııa, Úndistan, Iran, Qazaqstan, Kýveıt, Qyrǵyzstan, Oman, Lıýksembýrg, Marokko, Nepal, Pákistan, Palestına, Qytaı, Saýd Arabııasy, Túrkııa, Týnıs, Birikken Arab Ámirlikteri, AQSh jáne beıtarap mártebedegi (AIN) sportshylar keledi dep josparlanyp otyr.