Еркін күрестен ӘЧ: Жасөспірімдер үшінші орыннан көрінді

Грекияның астанасы – Афина қаласында еркін күрестен жасөспірімдер арасындағы әлем чемпионаты аяқталды.

Бұл сында еркін күрестен Қазақстан құрамасы үш қола медальді иеленді.

Үшінші орыннан балуандар Данаэль Әбдіқасым (51 килоға дейін), Бекасыл Асамбек (60 килоға дейін) пен Дінмұхамед Қасымбек (80 килоға дейін) көрінді.

Командалық есепте Қазақстан үшінші орынға ие болды. Бірінші орынды АҚШ құрамасы жеңіп алса, Иран спортшылары екінші орынға шықты.

Дастан КЕНЖАЛИН,

АСТАНА