Qysqy Azıada: 85 sportshy men 32 jattyqtyrýshyǵa qarjylaı syıaqy berildi

Memleket basshysynyń halyqaralyq arenada úzdik nátıje kórsetken sportshylardy yntalandyrý týraly tapsyrmasyna sáıkes, Qytaıdyń Harbın qalasynda ótken IX qysqy Azııa oıyndarynda úzdik atanǵan otandyq sportshylardy qoldaý maqsatynda Úkimet qaýlysymen 372,6 mıllıon teńge bólindi. Qarjylaı syıaqy Azııa oıyndarynda úzdik 85 sportshy men 32 jattyqtyrýshyǵa berildi. Bul týraly Týrızm jáne sport mınıstrligi habarlady.

Qytaıdaǵy aq Azıadada otandastarymyz 4 altyn, 9 kúmis jáne 7 qola medal jeńip alyp, jalpykomandalyq esepte 34 eldiń ishinde 4-orynǵa turaqtaǵan edi. El qorjynyna altyn júldelerdi bıatlonnan jekeleı synda óner kórsetken Vladıslav Kıreev, frıstaıl-akrobatıkadaǵy sınhrondy sekirý juby, short-trek sportynan 5000 metrlik estafeta komandasy jáne shaıbaly hokkeıden erler quramasy saldy.

Mınıstrliktiń habarlaýynsha, jeńimpazdar men júldegerlerdi marapattaý – Memleket basshysynyń tapsyrmasy aıasynda júzege asyrylyp jatqan sportty damytýǵa baǵyttalǵan memlekettik saıasattyń bir bóligi. Keıingi 6 jylda elimizde 314 dene shynyqtyrý jáne saýyqtyrý kesheni men 58 júzý basseıni salyndy. Nátıjesinde dene shynyqtyrýmen júıeli túrde aınalysatyn halyqtyń úlesi 31,5 paıyzdan (5,9 mln adam) 41,4 paıyzǵa (8,4 mln adam) deıin artty. Sport ınfraqurylymyn damytý – ult densaýlyǵyn nyǵaıtýǵa, syrqattyń aldyn alýǵa, áleýmettik osal toptardyń úlesin azaıtýǵa jáne halyqtyń ómir súrý sapasyn arttyrýǵa baǵyttalǵan mańyzdy ınvestıııa.

Sonymen qatar elimizde balalar men jasóspirimder sportyn damytýǵa erekshe kóńil bólinip keledi. 2021 jyly Prezıdent tapsyrmasyna sáıkes sport úıirmelerin jan basyna qarjylandyrý tetigi engizildi. Qazirgi tańda el boıynsha 4 pen 17 jas aralyǵyndaǵy 250 myńnan astam bala 7 myńnan asa sport úıirmesinde turaqty túrde jattyǵady. Keıingi bes jylda elimizdegi balalar men jasóspirimder sport mektepteriniń sany 481-den 521-ge, al sporttyq daıarlyqpen qamtylǵan balalar sany 357 myńnan 406 myńǵa ósti, — delingen habarlamada.

Osyndaı keshendi ári júıeli jumys memlekettiń sport arqyly deni saý, belsendi ári básekege qabiletti ult qalyptastyrýǵa baǵyttalǵan strategııalyq ustanymyn aıqyn kórsetedi. Sport – ár azamattyń ómirinde mańyzdy oryn alýǵa tıis.