Mınıstr taekvondodan jazǵy Ýnıversıada men Azııa chempıondaryn marapattady

Týrızm jáne sport mınıstri Erbol Myrzabosynov taekvondodan XXXII jazǵy Ýnıversıada men jasóspirimder arasyndaǵy Azııa chempıondary men  osy jarystardyń júldegerlerimen kezdesti. Oǵan Halyqaralyq taekvondo federaııasynyń (WT) prezıdenti Chýngvon Choý, Qazaqstan taekvondo federaııasynyń prezıdenti Qudiret Shamıev, jattyqtyrýshylar men jas sportshylar qatysty, dep habarlady Týrızm jáne sport mınıstrligi.

Jıynda mınıstr doktor Choýǵa taekvondony álemdik deńgeıde damytýǵa qosqan úlesi úshin alǵys aıtty.

Erbol Myrzabosynov halyqaralyq jarystardyń jeńimpazdary men júldegerlerin quttyqtap, olardyń jetistikteri búkil el úshin maqtanysh ekenin atap ótti. Germanııada ótken XXXII jazǵy Ýnıversıadada Samırhon Ababakırov altyn medal jeńip alsa, Malaızııada jalaýy jelbiregen jasóspirimder arasyndaǵy Azııa chempıonatynda Aıym Serikbaeva, Býned Bahramqulov pen Arýjan Naımanbaeva top jardy.

Sary qurlyq dodasynda erekshe kózge túsken Aıym Serikbaeva týrnırdiń úzdik sportshysy atansa, onyń jeke jattyqtyrýshysy Erkebulan Ermekálıev sportshyny daıyndaǵany úshin alǵys hatpen marapattaldy.

Sondaı-aq mınıstr ulttyq qurama komandanyń bas jattyqtyrýshysy Esbol Sultanovqa otandyq taekvondony damytýǵa qosqan eleýli úlesi jáne komandamen tabysty jumysy úshin alǵys aıtty.

Búginde memleket sizderdiń joǵary jetistikke jetip, sheberlikterińizdi shyńdaýǵa barlyq jaǵdaı jasap otyr. Árqaısyńyzben jeke jumys isteıtin jattyqtyrýshylaryńyz bar.

Búgingi jetistikter – kóp jyldyq eńbektiń, júıeli daıyndyqtyń jáne óz isine adaldyqtyń nátıjesi. Sizder álemdik arenada el namysyn abyroımen qorǵap, elimizdi búkil álemge tanytyp júrsizder, – dedi mınıstr.

Sportshylarǵa Qurmet gramotalary, Alǵys hattar men federaııa atynan sertıfıkattar tabys etildi.

14-16 tamyz kúnderi Astanadaǵy Jaqsylyq Úshkempirov atyndaǵy jekpe-jek saraıynda taekvondodan Kazakhstan Open 2025 halyqaralyq reıtıngtik týrnıri bolady.

Dodaǵa álemniń 22 elinen 750-den astam sportshy qatysady dep josparlanyp otyr. Olardyń qatarynda Olımpıada chempıondary, álem chempıonattarynyń júldegerleri jáne álemdik reıtıngtiń kóshbasshylary bar. Jarys kadetter, jasóspirimder men eresekter arasynda bolady.