Erkin kúresten ÁCh: Qazaqstan qorjynynda bir altyn, eki qola júlde!

Erkin kúres balýandary álem chempıonatynda bir altyn, bir qola júlde aldy.

Osy kúnderi Bolgarııanyń Samokov qalasynda erkin kúresten álem chempıonaty bolyp jatyr. Kúni keshe bastalǵan dúrmekti dodada erkin kúres sheberi Edige Qasymbek U20 sanatynda álem chempıony atandy.

Ol fınalda Iran ókili Abolfazl Mohammad Nejadty aıqyn basymdyqpen jeńdi. Al, Dosjan Qul-Ǵaıyp (74 kelige deıin) pen Samır Dýrsýnov (97 kelige deıin) qola júldeni qanaǵat tutty.

Qasymbek Edige 125 kg salmaq dárejesinde kúresti. Ol — «Kúres túrleri boıynsha olımpıadalyq daıarlaý ortalyǵy» RMQK Jaqsylyq Úshkempirov atyndaǵy jekpe-jek saraıynyń sportshysy. Onyń bapkerleri aǵa jattyqtyrýshy Aslan Baıǵulov pen  Erkebulan Keshýbaev.

Samır Dýrsýnov (97 keli) bolsa, qola júlde úshin úndi Vıshalmen kúresip, ony bir mınýtta jaýyrynyn jerge tıgizdi. Bul synda ol qarsylasyn 6:0 esebimen jeńdi.

Álem chempıonaty 1969 jyldan beri turaqty túrde ótkizilip keledi. Qazirge deıin qazaq balýandary 10 altyn, 27 kúmis, 39 qola medal aldy.

Byltyr Ispanııanyń Pontevedre qalasynda ótken álem chempıonatynda balýandar 2 altyn, 1 kúmis, 4 qola júldemen medaldar kestesinde tórtinshi orynǵa ornalasqan bolatyn.

Dastan KENJALIN,

ASTANA