Almatyda ambrozııa gúldedi. Maýsymdyq allergııanyń sharyqtaý kezeńin qalaı jeńil ótkizýge bolady?

Almatyda ambrozııanyń gúldeýine baılanysty maýsymdyq allergııa órship tur. Ádette ol shildeniń sońy men qazan aıynyń aralyǵynda baıqalady, tamyz-qyrkúıekte sharyqtaý shegine jetedi. Ambrozııa eń kúshti allergenderdiń biri sanalady. Allergııanyń belgileri: murynnan sý aǵý, bitelý, túshkirý, kózdiń qyshýy men qyzarýy, teri bórtpeleri, sondaı-aq bronh demikpesiniń asqynýy múmkin. Aýrýdy jeńildetý joldary týraly «Oq-Jetpes» «Almaty» emdeý-saýyqtyrý kesheniniń terapevt dárigeri  Jánibek Zeınalǵabdy aıtyp berdi.

– Jánibek Qanyshuly, qandaı aldyn alý sharalaryn usynasyz?

– Eger sizde ambrozııaǵa allergııa bar degen kúdik bolsa, allergolog-dárigerge qaralyńyz. Ol dıagnozdy naqtylap, qajetti emdi taǵaıyndaıdy. Eń qarapaıym jol – allergenmen baılanysýdy azaıtý. Ambrozııa gúldeý kezeńinde tańerteńgi ýaqytta dalada kóp júrmeýge tyrysyńyz, sebebi dál osy kezde tozań konentraııasy eń joǵary bolady. Sondaı-aq ambrozııa tozańymen aıqaspaly reakııa týdyrýy múmkin ónimderdi (qarbyz, qaýyn, banan jáne t.b.) raıonnan alyp tastaǵan durys. О́z betińizshe emdelmeı, mamanǵa júginińiz. Dáriger belgilegen antıgıstamındik preparattar sımptomdardy jeńildetýge kómektesedi.

– Mundaı jaǵdaıda shıpajaıdaǵy em qalaı kómektesedi?

– Shıpajaıda biz aǵzanyń sezimtaldyǵyn tómendetip, ımmýnıtetti nyǵaıtýǵa baǵyttalǵan keshendi em-sharalardy qoldanamyz. Mysaly, mıneraldy sýmen ıngalıaııa tynys alýdy jeńildetedi. Fızıoterapııa (magnıtoterapııa, lazeroterapııa) qabynýdy basyp, shyryshty qabyqtyń isinýin azaıtady. Ottekti jáne fıtovannalar stressti tómendetip, tynys alý júıesiniń jumysyn qalypqa keltiredi. Tuzdy bólme (galoterapııa) tynys joldaryn tazartyp, allergııalyq belgilerdi jeńildetedi.

– Demek, shıpajaıdaǵy demalys tek jaıly ýaqyt ótkizý ǵana emes, maýsymdyq allergııa kezinde naqty kómek deýge bola ma?

– Úı jaǵdaıyndaǵy emnen aıyrmashylyǵy, munda biz ár adamǵa jeke beıimdelgen emdik sharalar keshenin usynamyz. Ol sımptomdardy jeńildetip, gúldený maýsymyn aýyr asqynýsyz ótkizýge kómektesedi.

—Áńgimeńizge rahmet!

Áńgimelesken Nurlan QUMAR,

ALMATY