سايىپقىران: قازاقستان تۋى قۇرمەت تۇعىرىندا كوتەرىلدى

بوكستان حالىقارالىق تۋرنير: قازاقستان قۇراماسى كوماندالىق ەسەپتە ءبىرىنشى ورىن الدى.

قحر-دىڭ ءۇرىمشى قالاسىندا جاسوسپىرىمدەر اراسىنداعى «Belt and Road» ءىىى حالىقارالىق ءتۋرنيرى اياقتالدى.

بوكس فەدەراتسياسىنىڭ مالىمەتىنە قاراعاندا، 20 ەلدىڭ بوكسشىلارى قاتىسقان جارىستا قازاقستان قۇراماسى كوماندالىق ەسەپتە ءبىرىنشى ورىن يەلەندى.

التىن مەدەل يەگەرلەرى:

46 كگ. ارمان مىرسابيت

50 كگ. جۇماعالي نۋرماحان

52 كگ. ەدىگە نۇرعوجا

66 كگ. دانيال شالقارباي

75 كگ. سانجار ماتاسوۆ

80 كگ. الياكبار باۋىرجان

 

كۇمىس مەدال العان سپورتشىلار:

48 كگ. كورگانبەك بالتين

54 كگ. جالعاس اپباز

57 كگ. ۇلاس ءالىمجان

63 كگ. جانگەلدى الكەن

66 كگ. دارىن تاسمۇحانبەتوۆ

قولا مەدال يەلەرى:

60 كگ. ەمير مۇحيت

66 كگ. امير رامازان

75 كگ. تورەعالي سەيدۋللاەۆ

 

نورا دجەرۋتو «گاۋھار ليگاسىندا» ەكىنشى ورىن الدى

جەڭىل اتلەتيكادان تسيۋريحتە (شۆەيتساريا) وتكەن «گاۋھار ليگاسىنىڭ» كەزەڭىندە تۇڭعىش الەم چەمپيونى نورا دجەرۋتو 3 000 مەترگە كەدەرگىمەن جۇگىرۋ سايىسىندا مارەگە ەكىنشى بولىپ جەتتى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

1.فەيت چەروتيچ (كەنيا، پاريج وليمپياداسىنىڭ قولا جۇلدەگەرى) — 8:57.24

2.نورا دجەرۋتو – 9:10.87

3.مارۆا بۋزاياني – 9:12.03 (تۋنيس)

ودان بولەك، وسى سايىستا قازاقستان اتىنان دەيزي دجەپكەمەي دە سىنعا ءتۇسىپ، 9:15.98 ۋاقىت كورسەتكىشىمەن 6-ورىنعا ورنالاستى.

 

دامير شۋلەنوۆ تاەكۆوندودان قولا جۇلدەگەر اتاندى

وڭتۇستىك كورەيانىڭ مۋدجۋ قالاسىندا تاەكۆوندودان (WT) «Grand Prix Challenge G2» حالىقارالىق ءتۋرنيرى بولىپ جاتىر.

جارىستىڭ كەزەكتى كۇنى ەرلەر اراسىندا 68 كەلىدە سىنعا تۇسكەن قازاقستاندىق دامير شۋلەنوۆ ءوز سالماعىندا ۇزدىك ۇشتىككە ەندى. بۇل سىندا تايلاند وكىلى بانلۋنگ تۋبتيمدانگ توپ جارسا، كورەيالىق ۋ حيوك چونعا كۇمىس مەدال بۇيىردى.

دوداعا 33 ەلدەن 332 سپورتشى قاتىسىپ جاتىر.

 

«تورپەدو» — شايبالى حوككەيدەن 2025 جىلعى قازاقستان كۋبوگىنىڭ يەگەرى

وسكەمەن قالاسىنىڭ «تورپەدو» كلۋبى شايبالى حوككەيدەن 2025 جىلعى قازاقستان كۋبوگىنىڭ يەگەرى اتاندى.

فينالدىق ويىندا ولار قاراعاندىنىڭ «شاحتەر» كومانداسىنان 4:1 ەسەبىمەن باسىم ءتۇستى. ناتيجەسىندە كۋبوكتى توبەسىنە كوتەردى.

«تورپەدو» (وسكەمەن) — «سارىارقا» (قاراعاندى) 4:1 (3:0، 0:1، 1:0)

جارتىلاي فينالدا «تورپەدو» پەتروپاۆلدىڭ «قۇلاگەرىن»، «سارىارقا» كوكشەتاۋلىق «اراندى» قاپى قالدىردى.

توپتىق كەزەڭدە كوماندالار وسكەمەن جانە قاراعاندى قالالارىندا وينادى. ودان كەيىن جارتىلاي فينال ويىندارى جالعاستى. وندا توپتا ءبىرىنشى ورىن العان كوماندالار ەكىنشى توپتاعى ەكىنشى ورىنداعى ۇجىمدارمەن فينال جولداماسىن ساراپقا سالدى. فينال قاراعاندى قالاسىندا بولدى.