Сайыпқыран: Қазақстан туы құрмет тұғырында көтерілді

Бокстан халықаралық турнир: Қазақстан құрамасы командалық есепте бірінші орын алды.

ҚХР-дың Үрімші қаласында жасөспірімдер арасындағы «Belt and Road» ІІІ халықаралық турнирі аяқталды.

Бокс федерациясының мәліметіне қарағанда, 20 елдің боксшылары қатысқан жарыста Қазақстан құрамасы командалық есепте бірінші орын иеленді.

Алтын медель иегерлері:

46 кг. Арман Мырсабит

50 кг. Жұмағали Нурмахан

52 кг. Едіге Нұрғожа

66 кг. Даниял Шалқарбай

75 кг. Санжар Матасов

80 кг. Алиакбар Бауыржан

 

Күміс медаль алған спортшылар:

48 кг. Корганбек Балтин

54 кг. Жалғас Апбаз

57 кг. Ұлас Әлімжан

63 кг. Жангелді Әлкен

66 кг. Дарын Тасмұханбетов

Қола медаль иелері:

60 кг. Эмир Мұхит

66 кг. Амир Рамазан

75 кг. Төреғали Сейдуллаев

 

Нора Джеруто «Гауһар лигасында» екінші орын алды

Жеңіл атлетикадан Цюрихте (Швейцария) өткен «Гауһар лигасының» кезеңінде тұңғыш әлем чемпионы Нора Джеруто 3 000 метрге кедергімен жүгіру сайысында мәреге екінші болып жетті, деп хабарлады Туризм және спорт министрлігі Спортты дамыту дирекциясының баспасөз қызметі.

1.Фейт Черотич (Кения, Париж Олимпиадасының қола жүлдегері) — 8:57.24

2.Нора Джеруто – 9:10.87

3.Марва Бузаяни – 9:12.03 (Тунис)

Одан бөлек, осы сайыста Қазақстан атынан Дейзи Джепкемей де сынға түсіп, 9:15.98 уақыт көрсеткішімен 6-орынға орналасты.

 

Дамир Шуленов таеквондодан қола жүлдегер атанды

Оңтүстік Кореяның Муджу қаласында таеквондодан (WT) «Grand Prix Challenge G2» халықаралық турнирі болып жатыр.

Жарыстың кезекті күні ерлер арасында 68 келіде сынға түскен қазақстандық Дамир Шуленов өз салмағында үздік үштікке енді. Бұл сында Таиланд өкілі Банлунг Тубтимданг топ жарса, кореялық У Хёк Чонға күміс медаль бұйырды.

Додаға 33 елден 332 спортшы қатысып жатыр.

 

«Торпедо» — шайбалы хоккейден 2025 жылғы Қазақстан кубогының иегері

Өскемен қаласының «Торпедо» клубы шайбалы хоккейден 2025 жылғы Қазақстан кубогының иегері атанды.

Финалдық ойында олар Қарағандының «Шахтер» командасынан 4:1 есебімен басым түсті. Нәтижесінде кубокты төбесіне көтерді.

«Торпедо» (Өскемен) — «Сарыарқа» (Қарағанды) 4:1 (3:0, 0:1, 1:0)

Жартылай финалда «Торпедо» Петропавлдың «Құлагерін», «Сарыарқа» көкшетаулық «Аранды» қапы қалдырды.

Топтық кезеңде командалар Өскемен және Қарағанды қалаларында ойнады. Одан кейін жартылай финал ойындары жалғасты. Онда топта бірінші орын алған командалар екінші топтағы екінші орындағы ұжымдармен финал жолдамасын сарапқа салды. Финал Қарағанды қаласында болды.