SportPress.kz قازاقستان سپورت جاڭالىقتارى
قازاقستاننىڭ جۇپتىق سىنداعى ءبىرىنشى راكەتكاسى اننا دانيلينا اقش اشىق چەمپيوناتىنىڭ ءۇشىنشى اينالىمىنا شىقتى.
ول «ۇلكەن دۋلىعا» ءتۋرنيرىنىڭ 9-راكەتكاسى بولىپ تىركەلىپ، سەربيا سپورتشىسى الەكساندرا كرۋنيچ ەكەۋى ەكىنشى اينالىمدا رۋمىنيا تەننيسشىسى مونيكا نيكۋلەسكۋ مەن لاتۆيانىڭ وكىلى اناستاسيا سەۆاستوۆامەن وينادى.
ءبىرىنشى پارتيادا دانيلينا مەن كرۋنيچ قارسىلاستارىن 6:2 ەسەبىمەن جەڭدى.
ەكىنشى سەتتە دە 5:1 ەسەبىمەن باسىم ءتۇستى. سودان كەيىن رۋمىني مەن لاتۆيانىڭ سپورتشىلارى برەيك جاسادى. دەگەنمەن دانيلينا مەن كرۋنيچ ماتچتا برەيك جاساپ، 6:2 ەسەبىمەن جەڭىسكە جەتتى.
بۇل ماتچ 1 ساعات 9 مينۋتقا سوزىلدى. دانيلينا مەن كرۋنيچ 3 ەيسپەن بىرگە 10 برەيك-پوينتتىڭ تەڭ جارتىسىن ءتيىمدى پايدالاندى. ال نيكۋلەسكۋ مەن سەۆاستوۆا 2 ەيس، 1 برەيكپەن شەكتەلدى.
اننا دانيلينا مەن الەكساندرا كرۋنيچتىڭ كەلەسى قارسىلاستارى كەيىن بەلگىلى بولادى.
قازاقستاننىڭ ءبىرىنشى، الەمنىڭ 10-راكەتكاسى ەلەنا رىباكينا اقش اشىق چەمپيوناتىنىڭ شيرەك فينالىنا شىعا المادى.
ول ءتورتىنشى اينالىمدا الەمنىڭ 60-راكەتكاسى، چەحيالىق ماركەتا ۆوندروۋشوۆامەن وينادى.
ە.رىباكينا 2022 جىلى ۋيمبلدوندا ۇزدىك شىقسا، م.ۆوندروۋشوۆا ءبىر جىلدان كەيىن چەمپيون اتانعان ەدى.
قارسىلاستار وسىعان دەيىن ەكى رەت ويناپ، ءبىر-بىردەن جەڭىسكە جەتكەن ەدى. بۇل جولى رىباكينا ۆوندروۋشوۆادان ايلاسىن اسىرا المادى.
داستان كەنجالين،
استانا
