Dzıýdodan ACh: Qazaqstan quramasy taǵy altyn júlde aldy

Dzıýdodan Qazaqstan jasóspirimder quramasy Azııa chempıonatynyń ekinshi kúninde 1 altyn, 1 kúmis jáne 3 qola medal jeńip aldy.

El quramasynan Injý Jumajan (57 kg) altyn, Toǵjan Tólebaı (70 keliden asa salmaq) kúmis júlde alsa, Erasyl Bolatbek (81 kg), Uldana Qojanazarova (70 kg) men Erdáýlet Jumabaı (90 kg) qola júldege ıe boldy.

Búǵan deıin Azııa chempıonatynyń alǵashqy kúni el quramasynan Farhat Zeınolla (50 kg) chempıon atansa, Beknur Amangeldi (55 kg), Tańjaryq Momyntaı (60 kg) men Zamanbek Baqtyǵalı (66 kg) kúmis medal aldy. Al Ábish Perdaly (50 kg), Aslan Erǵalıev (55 kg), Zere Talǵatqyzy (40 kg), Aıajan Rınatqyzy (48 kg) men Janaıym Maratbek (52 kg) úshinshi oryndy qanaǵat tutty.

Osylaısha, Qazaqstan quramasy jalpy sany 2 altyn, 4 kúmis jáne 8 qola júldemen jalpy medal kestesinde úshinshi  orynǵa shyqty.

Jasóspirimder arasyndaǵy Azııa chempıonaty Indonezııanyń astanasy Djakarta qalasynda bolyp jatyr. Oǵan 21 elden 200-ge jýyq tatamı sheberi qatysýda.

Dastan KENJALIN,

ASTANA