چەمپيوندار ليگاسى: «سپورتينگ» — «قايرات» ماتچى قاي تەلەارنادان كورسەتىلەدى؟

UEFA چەمپيوندار ليگاسى نەگىزگى كەزەڭىنە شىققان الماتىنىڭ «قايرات» كلۋبىنىڭ پورتۋگارليانىڭ «سپورتينگ» كومانداسىمەن ماتچى 17 قىركۇيەكتەن 18 قىركۇيەككە قاراعان ءتۇنى ساعات 00:00–دە Qazaqstan تەلەارناسىنان كورسەتىلەتىنءى بەلگىلى بولدى.

ويىننىڭ باس تورەشىسى مىندەتىن پولشالىق داميان سيلۆەستجاك اتقارادى. وعان ونىڭ وتانداستارى پاۆەل سوكولنيتسكي مەن ادام كاراسەۆيچ كومەكتەسەدى. ءتورتىنشى تورەشى دە پولشا ەلىنىڭ وكىلى مارتسين كوحانەك بولادى.

«قايرات» چەمپيوندار ليگاسىندا «رەال مادريد» (يسپانيا)، «ينتەر» (يتاليا)، «ارسەنال» (انگليا)، «بريۋگگە» (بەلگيا)، «سپورتينگ» (پورتۋگاليا)، «وليمپياكوس» (گرەكيا)، «پافوس» (كيپر)، «كوپەنگاگەن» (دانيا) كلۋبتارىمەن وينايدى.

الماتىنىڭ كلۋبى  4 كوماندامەن ءوز الاڭىندا بولسا، 4 جاساقپەن سىرت الاڭدا كۇش سىناسادى.

نەگىزگى كەزەڭدە بارلىعى 36 كوماندا سىنعا تۇسەدى. ءبىرىنشى تۋر بيىل 16 قىركۇيەكتە باستالسا، سەگىزىنشى تۋر 2026 جىلدىڭ 28 قاڭتارىندا بولادى. ال پلەي-وفف 16-18 اقپان، 1/8 فينال 10-11 ناۋرىز، ¼ فينال 7-8 ءساۋىر، ½ فينال 28-29 ءساۋىر، فينال 30 مامىرعا بەلگىلەنگەن.

ەسكە سالا كەتسەك، «قايرات» ءتۋرنيردىڭ العاشقى ءۇش ىرىكتەۋ كەزەڭىندە سلوۆەنيانىڭ «وليمپيا» (1:1، 2:0)، فينليانديانىڭ كۋپس (0:2، 3:0)، سلوۆاكيانىڭ «سلوۆان» (1:0، 0:1، پەنالتيدەن 4:3) كومانداسىنان ايلاسىن اسىرىپ، پلەي-وفف كەزەڭىندە شوتلانديانىڭ «سەلتيك» كومانداسىن (0:0، 0:0، پەنالتيدەن 3:2) جەڭىپ، نەگىزگى كەزەڭگە جولداما العان ەدى.

داستان كەنجالين،

استانا