Tennısten ÁCh: Rybakına jaraqatyna qaramaı Qazaqstan quramasyna qosyldy

Qytaıdyń Shenchjen qalasynda Qazaqstannyń ulttyq qurama komandasy komandalyq álem chempıonaty — Bıllı Djın Kıng kýbogy aldynda sońǵy jattyǵýlaryn ótkizip jatyr.

18 qyrkúıekte áıelderdiń ulttyq quramasy shırek fınalda AQSh komandasymen oınaıdy.

Bul oıyn eki komanda arasyndaǵy alǵashqy resmı oıyn bolady.

Búgin Shenchjen qalasynda Bıllı Djın Kıng kýbogynyń fınaldyq kezeńinde Qazaqstan – AQSh matchynyń jerebesi tartyldy.

Oıynndy birinshi bolyp álemdik reıtıngide 61-oryndaǵy Iýlııa Pýtıneva men álemniń 18-raketkasy Emma Navarro bastaıdy. Olar osyǵan deıin bir-birimen oınamaǵan.

Budan keıin Qazaqstannyń birinshi, álemniń 10-raketkasy Elena Rybakına men reıtıngide 7-satydaǵy Djessıka Pegýla kúsh synasady. Budan buryn Pegýla Rybakınany úsh ret jeńip, bireýinde jeńilgen.

Jarys favorıtteriniń biri AQSh juptyq synda da myqty. Teılor Taýnsend álemdik reıtıngide kósh bastasa, oǵan Makkartnı Kessler kómektesedi. Degenmen Anna Danılına men Jibek Qulambaeva dýeti qarap qalmaıdy dep senemiz.

Dastan KENJALIN,

ASTANA