سۋ سپورتىنان اچ: كوركەم جۇزۋدەن بەسىنشى التىن جۇلدە قورجىندا!

ءۇندىستانننىڭ احمەداباداد قالاسىندا سۋ سپورتى تۇرلەرىنەن ءوتىپ جاتقان ازيا چەمپيوناتىندا كوركەم جۇزۋدەن ءتورتىنشى التىن مەدال ءتۇستى، دەپ حابارلادى تۋريزم جانە سپورت مينيسترلىگى سپورتتى دامىتۋ ديرەكتسياسىنىڭ ءباسپاسوز قىزمەتى.

قازاقستان قۇرامىندا نارگيزا بولاتوۆا، دايانا دجامانچالوۆا، كسەنيا ماكاروۆا، ياسمين تۇياقوۆا، جاكلين ياكيموۆا، ايگەرىم قۇرمانعاليەۆا، اننا پاۆلەتسوۆا مەن ۆالەريا ستولبۋنوۆا ونەر كورسەتىپ، كوماندالىق سىندا ۇزدىك شىقتى.

قازاقستان  221.9525 ۇپاي جيناسا، ەكىنشى ورىندى 210.5775 تايلاند يەلەندى. ال وزبەكستان 200.5183 ۇپايمەن ءۇشىنشى ورىننان كورىندى.

سونىمەن بىرگە ۆيكتور درۋزين كوركەم جۇزۋدەن ەكى دۇركىن ازيا چەمپيونى اتاندى.

ول 198.7639 ۇپاي جيناپ، چەمپيوناتتىڭ ەكىنشى التىن مەدالىن جەڭىپ الدى.

چەمپيوناتتىڭ العاشقى كۇنىندە ۆيكتور درۋزين تەحنيكالىق سولو باعدارلاماسىندا جەڭىسكە جەتىپ، تۇعىردىڭ ەڭ بيىك ساتىسىنا كوتەرىلگەن بولاتىن.

ۆيكتور درۋزين نارگيزا بولاتوۆامەن بىرگە دە جاقسى ونەر كورسەتتى. ولار 241.4613 ۇپاي جيناپ، ءۇشىنشى ورىنعا يە بولدى.

وسىنىڭ الدىندا تەحنيكالىق باعدارلاما بويىنشا ارالاس جۇپتىق باسەكەدە كارينا ماگرۋپوۆا مەن ەدۋارد كيم جۇلدەگەرلەردىڭ قاتارىنا ەندى. ولار ەكىنشى ورىنعا يە بولدى.

ءدال قازىرگى ساتتە كوركەم جۇزۋدەن ەنشىمىزدە 5 التىن، 1 كۇمىس، 3 قولا مەدال بار.

ازيا چەمپيوناتىندا سۋ دوبىنان قازاقستان ەرلەر قۇراماسى ءساتتى ونەر كورسەتۋدى جالعاستىرىپ جاتىر. توپتىق كەزەڭنىڭ ەكىنشى ويىنىندا وتانداستارىمىز ءۇندىستان قۇراماسىمەن ويناپ، 20:6 ەسەبىمەن جەڭىسكە جەتتى.

كەلەسى ماتچ ەرتەڭ استانا ۋاقىتىمەن ساعات 13:30-دا بولادى. قارسىلاس – سينگاپۋر قۇراماسى.

قازاقستان ايەلدەر قۇراماسى دا توپتىق كەزەڭدەگى ەكىنشى ويىنىن گونكونگ كومانداسىنا قارسى وتكىزىپ، 21:10 ەسەبىمەن جەڭىسكە جەتتى.