III TMD elderi oıyndary: karateden Qazaqstan quramasy qorjynǵa 3 altyn medal saldy

Ázerbaıjanda ótip jatqan III TMD elderi oıyndarynda Qazaqstan sportshylary taǵy 8 medalǵa qol jetkizdi, dep habarlaıdy QR Týrızm jáne sport mınıstrligi Sportty damytý dırekııasynyń baspasóz qyzmeti.

Búgin Mıngıachevır qalasynda karateshiler 3 altyn, 3 kúmis jáne 2 qola júldemen jarysty aıaqtady. Darhan Temiralıev (-60 kg), Aıjan Bákirova (-61 kg) men Dıas Anarbekov (+84 kg) altyn júlde alsa, kúmis medaldi Asylaı Savıdova (+68 kg), Shyńǵys Taılıev (-75 kg) men Natalı Kasıkova (kata) ıelendi. Qola júldeni Malıka Abjanova (-50 kg) men Aıshabıbi Sharahan (-55 kg) qanaǵat tutty.

Osydan eki jyl buryn Belarýs Respýblıkasynda ótken II TMD elderi oıyndarynda WKF karateden Qazaqstan quramasy 3 altyn, 1 kúmis júlde ıelengen.

Bokstan Qazaqstan uldar quramasy Ázirbaıjannyń Evlah qalasynda ótken lll TMD elderi oıyndarynda barlyǵy 7 júlde oljalady.

Edige Nurqoja (-52 kg) kúmis medalıst bolsa, qola júldeni Qorǵanbek Baltın (-48 kg), Jalǵas Apbaz (-54 kg), Aldııar Baıandınov (-63 kg), Daryn Tólegen (-70 kg), Baýyrjan Álıakbar (-80 kg) men Erketań Jarqynbek (+80 kg) ıelendi.

Nysana kózdeýden Qazaqstan quramasy 7 júldemen aıaqtady.

Gıandja qalasynda sportshylar 2 kúmis, 1 qola medal jeńip aldy.
Pnevmatıkalyq vıntovkadan (solo), 10 metrden atýdan Aleksandra Le  kúmis júlde, Elızaveta Bezrýkova qola medal aldy.

Pnevmatıkalyq tapanshadan (solo), 10 metrden atýdan Valerııa Popelova kúmis medalıst boldy.

Barlyǵy Qazaqstan komandasynyń enshisinde 1 altyn, 4 kúmis jáne 2 qola medal bar. Aldyńǵy 2 jarys kúniniń júldegerleri:

Pnevmatıkalyq vıntovka, 10 m:

Dmıtrıı Kım — altyn medal;

Aleksandra Le — kúmis júlde;

Qazaqstan quramasy (Aleksandra Le, Dmıtrıı Kım) — kúmis medal;

Pnevmatıkalyq tapansha, 10 m:

Valerııa Popelova — qola júlde;

Gıandjada barlyǵy sporttyń bul túrinen 8 elden kelgen 51 mergen júldege talasty. Osyǵan deıin Belarýs Respýblıkasynda ótken ll TMD elderi oıyndarynda nysana kózdeýden Qazaqstan 2 qola medalǵa ıe boldy.