داستان ساتپاەۆ الەمدىك توپ-5 تىزىمىنە قوسىلدى

Score 90 فۋتبولشى  داستان ساتپاەۆتى ءوز رەيتينگىنە قوستى. اۋەلى Score 90 دەگەن نە ەكەنىن ايتا كەتسەك. ول فۋتبولعا ارنالعان الەمدەگى ەڭ ءىرى پلاتفورمالاردىڭ ءبىرى.

باسىلىم ۇزدىك جاس فۋتبولشىلاردىڭ ءتىزىمىن جاساپ، ولاردى جاس ەرەكشەلىكتەرىنە قاراي ءبولدى. رەيتينگتە 2005-2008 جىلدارى تۋعان ۇزدىك فۋتبولشىلار كىردى.

2008 جىلعى، ياعني 17 جاستاعى فۋتبولشىلار اراسىندا توپ-5 ءتىزىمى:

1. لەننارت كارل (گەرمانيا، «باۆاريا»);
2. يبرايم مبايە (سەنەگال، «پسج»);
3. نگۋموا ريو (انگليا، «ليۆەرپۋل»);
4. حونەست احانور (يتاليا–نيگەريا، «اتالانتا»);
5. داستان ساتپاەۆ (قازاقستان، «قايرات» — «چەلسي»).

بۇعان دەيىن دە سپورتشى دۇنيەجۇزى باسىلىمدارىنىڭ تىزىمىنە ەنگەن ەدى. مىسالى، ۇلىبريتانيانىڭ The Guardian گازەتى الەمدىك فۋتبولداعى ەڭ ۇزدىك 60 جاس تالانتتى اتادى. سونىڭ ىشىندە «قايراتتىڭ» شابۋىلشىسى داستان ساتپاەۆ تا بار. ول 2008 جىلى تۋعان بولاشاعىنان زور ءۇمىت كۇتتىرەتىن ويىنشىلار تىزىمىنە كىرگەن.

سونداي-اق داستان ساتپاەۆ UEFA چەمپيوندار ليگاسىندا گول سوققان ەڭ جاس ويىنشىلار ۇشتىگىنە كىردى.

داستان كەنجالين،

استانا