Dastan Sátpaev álemdik TOP-5 tizimine qosyldy

Score 90 fýtbolshy  Dastan Sátpaevti óz reıtıngine qosty. Áýeli Score 90 degen ne ekenin aıta ketsek. Ol fýtbolǵa arnalǵan álemdegi eń iri platformalardyń biri.

Basylym úzdik jas fýtbolshylardyń tizimin jasap, olardy jas erekshelikterine qaraı bóldi. Reıtıngte 2005-2008 jyldary týǵan úzdik fýtbolshylar kirdi.

2008 jylǵy, ıaǵnı 17 jastaǵy fýtbolshylar arasynda TOP-5 tizimi:

1. Lennart Karl (Germanııa, «Bavarııa»);
2. Ibraım Mbaıe (Senegal, «PSJ»);
3. Ngýmoa Rıo (Anglııa, «Lıverpýl»);
4. Honest Ahanor (Italııa–Nıgerııa, «Atalanta»);
5. Dastan Sátpaev (Qazaqstan, «Qaırat» — «Chelsı»).

Buǵan deıin de sportshy dúnıejúzi basylymdarynyń tizimine engen edi. Mysaly, Ulybrıtanııanyń The Guardian gazeti álemdik fýtboldaǵy eń úzdik 60 jas talantty atady. Sonyń ishinde «Qaırattyń» shabýylshysy Dastan Sátpaev ta bar. Ol 2008 jyly týǵan bolashaǵynan zor úmit kúttiretin oıynshylar tizimine kirgen.

Sondaı-aq Dastan Sátpaev UEFA Chempıondar lıgasynda gol soqqan eń jas oıynshylar úshtigine kirdi.

Dastan KENJALIN,

ASTANA