«Qaırat» álemdegi úzdik fýtbol klýbtarynyń qataryna endi

Halyqaralyq fýtbol tarıhy jáne statıstıkasy federaııasy (IFFHS) álemdegi eń úzdik 500 fýtbol klýbynyń jańartylǵan reıtıngin jarııalady, dep habarlady QazAqparat.

Tizimge elimizden tek Almatynyń «Qaırat» fýtbol klýby kirgen. Klýb 90,75 upaımen 240-oryndy ıelendi.

-Reıtıngtiń kóshin Franııanyń «Parı Sen-Jermen» klýby bastady. Ekinshi orynda — Madrıdtiń «Real», al úshinshi orynǵa — Londonnyń «Chelsı» komandasy ornalasty.

-Buǵan deıin «Qaırattyń» qaqpashysy Temirlan Anarbekovtiń bedeldi reıtıngte Kılıan Mbappeden ozyp shyqqany habarlanǵan bolatyn, — delingen materıalda.

SofaScore fýtbol portaly 2025/26 maýsymyndaǵy ÝEFA Chempıondar lıgasynyń jalpy kezeńiniń altynshy týrynan keıin fýtbolshylardyń jańartylǵan reıtıngin jarııalady. Bul reıtıng fýtbolshylardyń oıyn statıstıkasyna negizdelgen.

Tizimde Temirlan Anarbekov eń joǵary baǵamen kósh bastady. Ol jalpy kezeńde tórt matchqa («Pafos», «Kopengagen», «Olımpıakos» jáne «Inter» klýbtaryna qarsy) qatysyp, sarapshylardan ortaq eseppen 8,9 ball aldy.

Ekinshi orynda Madrıdtiń «Real» klýbynyń shabýylshysy Kılıan Mbappe (8,34 ball), al úshinshi orynǵa «Galatasaraı» klýbynyń oıynshysy Vıktor Osımhen (8,33 ball) jaıǵasty.

Temirlan Anarbekov — Chempıondar lıgasynda matchtyń úzdik oıynshysy (MVP) atanǵan alǵashqy qazaqstandyq fýtbolshy. Ol bul jetistikke altynshy týrda, Astanada ótken grek klýby «Olımpıakospen» matchtan keıin jetti.

Dastan KENJALIN,

ASTANA