SportPress.kz قازاقستان سپورت جاڭالىقتارى
فرانتسيانىڭ پسج كلۋبىنىڭ بۇرىنعى شابۋىلشىسى كيليان مباپپە پاريج قالاسىنىڭ كومانداسىن سوتقا بەرىپ، جەڭىپ شىقتى.
سوت ۇكىمى بويىنشا، پسج فۋتبولشىعا جالاقىنىڭ وتەمى رەتىندە 61 ميلليون ەۋرو تولەۋى ءتيىس.
The Guardian دەرەكتەرىنە قاراعاندا، وسىدان ءبىر اي بۇرىن مباپپە پسج-دان 263 ميلليون ەۋرو وتەماقى تالاپ ەتكەن ەدى. بۇل سوماعا ويىنشىنىڭ كەلىسىمشارت اياقتالعاننان كەيىن تولەنبەگەن جالاقىسى مەن سىياقىسى، سونداي-اق كومانداداعى قارىم-قاتىناسىنا بايلانىستى وتەماقى كىرەدى.
پسج مەن فۋتبولشىنىڭ قارىم-قاتىناسى 2023 جىلى مباپپە كەلىسىمشارتىن ۇزارتپاۋعا شەشىم قابىلداعاندا ناشارلادى. كەلىسىمشارت 2024 جىلدىڭ جازىندا اياقتالۋعا ءتيىس ەدى. كيليان مباپپە 2024 جىلدىڭ جازىندا «پاري سەن-جەرمەن» كلۋبىنان ءمادريدتىڭ «رەال» كومانداسىنا اۋىسقان بولاتىن.
داستان كەنجالين،
استانا
