SportPress.kz قازاقستان سپورت جاڭالىقتارى
مەلبۋرن قالاسىندا 24 قاڭتار — 1 اقپان ارالىعىندا جاسوسپىرىمدەر اراسىندا وتەتىن اۋستراليا اشىق چەمپيوناتىنا قاتىساتىن تەننيسشىلەردىڭ ءتىزىمى جاريالاندى، دەپ حابارلادى قازاقستان تەننيس فەدەراتسياسى.
-قازاقستاننان نەگىزگى جارىستا ءۇش جاس تەننيسشى باق سىنايدى.
جاسوسپىرىمدەر اراسىندا ITF رەيتينگىسىندە 24-ورىندا تۇرعان زاڭعار نۇرلان ۇلى اۋستراليا چەمپيوناتىندا 10-راكەتكا بولىپ تىركەلگەن. سونداي-اق، جاسوسپىرىمدەر اراسىندا الەمنىڭ 60-راكەتكاسى دامير جالعاسباي جانە رەيتينگىدە 94-ساتىداعى دانيەل تازابەكوۆ ونەر كورسەتەدى، — دەلىنگەن حابارلامادا.
زاڭعار، دامير جانە دانيەل بىلتىر كوماندالىق الەم چەمپيوناتى — جاسوسپىرىمدەر اراسىندا دەۆيس كۋبوگىنىڭ فينالدىق كەزەڭىندە ەل نامىسىن قورعاعان ەدى. وندا الەمنىڭ ءتورت دۇركىن چەمپيونى فرانتسيانى جەڭىپ، بەسىنشى ورىنعا تابان تىرەگەن بولاتىن.
