Australian Open, qazaq balalaryn qarsy al!

Melbýrn qalasynda 24 qańtar — 1 aqpan aralyǵynda jasóspirimder arasynda ótetin Aýstralııa ashyq chempıonatyna qatysatyn tennısshilerdiń tizimi jarııalandy, dep habarlady Qazaqstan tennıs federaııasy.

-Qazaqstannan negizgi jarysta úsh jas tennısshi baq synaıdy.

Jasóspirimder arasynda ITF reıtıngisinde 24-orynda turǵan Zańǵar Nurlanuly Aýstralııa chempıonatynda 10-raketka bolyp tirkelgen. Sondaı-aq, jasóspirimder arasynda álemniń 60-raketkasy Damır Jalǵasbaı jáne reıtıngide 94-satydaǵy Danıel Tazabekov óner kórsetedi, — delingen habarlamada.

Zańǵar, Damır jáne Danıel byltyr komandalyq álem chempıonaty — jasóspirimder arasynda Devıs kýbogynyń fınaldyq kezeńinde el namysyn qorǵaǵan edi. Onda álemniń tórt dúrkin chempıony Franııany jeńip, besinshi orynǵa taban tiregen bolatyn.