Qazaqstan qysqy Olımpıadaǵa taǵy 12 lıenzııa jeńip aldy

Konkımen júgirýden 14 qarasha men 14 jeltoqsan aralyǵynda AQSh, Kanada, Nıderland jáne Norvegııada ótken Álem kýbogy kezeńderiniń qorytyndysy boıynsha Qazaqstan quramasy 12 lıenzııa jeńip aldy, dep habarlady Týrızm jáne sport mınıstrligi.

-Lıenzııa ıegerleriniń esimi men sportshylar sany ulttyq qurama bas jattyqtyrýshysynyń sheshiminen keıin belgili bolady. Boljam boıynsha, 2026 jylǵy qysqy Olımpıadada konkımen júgirýden el namysyn 5 sportshy qorǵaıdy.

Esterińizge sala keteıik, buǵan deıin mánerlep syrǵanaý sportynan Mıhaıl Shaıdorov pen Sofıa Samodelkına álem chempıonatynda olımpıadalyq normatıvti oryndap, eki joldama jeńip alǵan edi. Sonymen qatar otandyq short-trekshiler el qorjynyna taǵy 9 joldama saldy.

Jattyqtyrýshylar shtabynyń sheshimimen Mılanda Denıs Nıkısha, Abzal Ájiǵalıev, Olga Tıhonova jáne Iana Han baq synaıdy. Osylaısha, qazirgi tańda Qazaqstan quramasynyń qorjynynda sporttyń úsh túrinen 23 lıenzııa bar, — delingen habarlamada.

Olımpıadaǵa arnalǵan naqty lıenzııa sany 2026 jylǵy qańtar aıynyń sońynda belgili bolady.

XXV qysqy Olımpııa oıyndary 2026 jylǵy 6-22 aqpan kúnderi Italııanyń Mılan jáne Kortına-d’Ampeo qalalarynda ótedi. Oǵan álemniń 93 elinen 3 500-den astam sportshy qatysady.

Lıenzııa boıynsha aqparat:

Erler:
500 metr – 1 lıenzııa

Áıelder:

500 metr – 2 lıenzııa

1000 metr – 2 lıenzııa

1500 metr – 2 lıenzııa

3000 metr – 2 lıenzııa

5000 metr – 1 lıenzııa

Mass-start – 1 lıenzııa

Komandalyq jarys – 1 lıenzııa