جەڭىستىڭ جولىن اشاتىن كىلت – ەڭبەك

ەڭبەك ەتپەي ەشنارسەگە قول جەتكىزۋ مۇمكىن ەمەس. تالماي جاساعان تاباندى ەڭبەكتىڭ ناتيجەسىندە ادام ءبىر جەتىستىككە جەتە الادى.

«كىم كوپ ەڭبەك ەتسە، باقىت سوعان قونادى»، — دەگەن ەكەن لەوناردو دا ۆينچي.  مىسالى، سپورتتا اتتارى الەمگە ايگىلى پەلە، مۇحاممەد ءالي، مايكل فەلپپس، ۋسەين بولت، تەددي ريننەر، الەكساندر مەدۆەد سەكىلدى  اتتارىن ايتا بەرسەڭ، شەكسىز ءبىرتۋار تۇلعالار سونداي عالامات جەتىستىكتەرگە جەتۋىنىڭ باستى سەبەبى، تالماي جالىقپاي جاساعان ەڭبەكتىڭ ارقاسىندا ەكىندىگىن باسا ايتىپ وتەدى. سوندىقتان دا تولاسسىز جاسالعان ەڭبەك قانداي دا ءبىر توسقاۋىلدى بۇزىپ وتەرى انىق.

ەڭبەكتى ءسوز قىلىپ ايتىپ وتىرعانىمىز قانداي سپورت ءتۇرى بولماسىن ءتىپتى، ول ەندى عانا سۇيگەن سپورتىمەن اينالاسى  باستاعان  جاس ورەن  سول سپورتقا بارىن سالىپ جاساعان ەڭبەگىنىڭ ونبەگىن كورەدى. كەزىندە  وليمپيادا چەمپيونى، باركەر كۋبوگىنىڭ يگەرى باقتيار ارتاەۆتىڭ ۇيىندە بولىپ، اتا-اناسىنان سۇحبات العانىمىزدا باقتياردىڭ جاتتىعۋى اياقتالسا دا جەكە قالىپ ءوز بەتىنشى ساعاتتاپ جاتتىعۋىن جاسايتىنىن ايتىپ بەرگەن ەدى. مىنە، سول باقتياردىڭ تاباندى ەڭبەگى ەلەۋسىز قالماي وليمپيادا بيىگىن باعىندىردى. سول سەكىلدى قازىرگى جاسوسپىرىمدەرىمىز وسىنداي اعا بۋىننىڭ جەڭىستى جولىن قالاي جالعاستىرىپ كەلەدى ەكەن، دەگەن سۇراق تۋىنداعان ەدى. ونىڭ جاۋابىن جۋىردا الماتى وبلىسى ەڭبەكشىقازاق اۋدانى، ەسىك ەلدى مەكەنىندە وتكەن الامان جەكپە-جەكتە تاۋىپ قايتتىق.

ەسىكتەگى №1 بالالار مەن جاسوسپىرىمدەر سپورت مەكتىبىندە دزيۋدو كۇرەسىنەن جاسوپىرىمدەر اراسىندا وتكەن وبلىستىق جارىستا كۇرەسكەن ۇل-قىزداردىڭ جەكپە-جەگىن تاماشالاي وتىرىپ، كوپتەگەن  كوكەيكەستى سۇراققا جاۋاپتىڭ شەتىن شىعارعانداي بولدىق. بۇل جارىس ەل ەگەمەندىگىنىڭ باستى قۇندىلىعى تاۋەلسىزدىك كۇنىنە وراي ۇيىمداستىرلىعان ەكەن.

جارىسقا الماتى قالاسى، قوناەۆ قالاسى، ىلە اۋدانى، قاراساي اۋدانى، تالعار اۋدانى، ۇيعىر اۋدانى، رايىمبەك اۋدانى، جامبىل اۋدانى، كەگەن اۋداندارىنان جالپى سانى 300-گە جۋىق بالۋان  جەڭىس جولىندا التىن جۇلدە ءۇشىن بار شەبەرلىكتەرىن ورتاعا سالدى. وسىنداي الامان جارىستى ۇيىمداستىرۋ وڭاي ەمەسى انىق.

تۋرنيرگە كەلگەن بوتا بالۋانداردىڭ اس-سۋىن دايىنداپ، جاعدايىن جاساپ شاپقىلاپ جۇرگەن ەسىك كەڭشارىنداعى №1 بالالار مەن جاسوسپىرىمدەر سپورت مەكتەبىنىڭ ديرەكتورى اباي قانات ۇلى سىرعاباەۆقا بالالارىن الىپ كەلگەن باپكەرلەر مەن اتا-انالار زور العىستارىن ءبىلدىرىپ جاتقانىن ەستىدىك. ءيا، راسىمەن دە جاعداي تۋعىزىلعان جەردە بەرەكە بولارى انىق. ال جارىسقا كەلسەك، جوعارى دا ايتىپ وتكەنىمىزدەي بۇل سپورتتتى جاقسى كورىپ، جان-تانىمەن جاتتىعۋىن جاساپ، جەڭىس ءۇشىن جان اياماي كۇرەسكەن شەبەرلىگى جوعارى جاسوپىرىمدەر فينالعا دا جولداما الا باستادى. ال ءبىر قايناۋى جەتپەي قالعان ءجاسوپىرىم بالۋاندار جەڭىلىستىڭ اششى ءدامىن تاتىپ، كوزدەرىنە جاس الىپ كىلەمنەن شىعىپ جاتتى.

دايىندىعى جوعارى، وزىنە سەنىمدى بالۋاندار كىلەمگە شىققاندا دا جاتتىعۋدا جاساعان ءادىس-ايلاسىن ەش قيىندىقسىز قولدانىپ سالقىنقاندىلىق تانىتىپ جاتقاندارىنا ءبىر جاعىنان ريزا بولىپ تاماشالادىق. ءيا، جەڭىلىپ قالىپ نامىستان كوزدەرىنەن جاس سورعالىپ شىعىپ بارا جاتقان قىزداردى دا كوزىمىز شالدى. دەگەنمەن دە سونداي نامىسى زور بالۋان قىزداردان ەرتەڭ ەل بىلەتىن تانىمال بالۋان شىعاتىنىنا سەنىم زور. ويتكەنى، نامىس پەن ەڭبەكتى العا تارتقان العىر جاس ەشقاشاندا  تۋى جىعالماسا انىق. وعان مىسال قازىرگى تاڭدا دزيۋدو كۇرەسىنەن الەمدىك دودالاردا توپجارىپ كوپتەگەن ءجاسوپىرىم قىزدارىمىزعا ۇلگى بولىپ جۇرگەن ءابيبا ابۋجاقىنوۆانىڭ ەسىمىن ايتا كەتسەك بولاتىن شىعار. حوش، سونىمەن تاۋەلسىزدىك كۇنىنە وراي وتكەن الماتى وبلىسىنىڭ بايراقتى جارىسىندا قالىڭ توپتان قاق جارىپ شىعىپ، جەڭىس تۇعىرىنا كوتەرىلگەن بالۋانداردىڭ دا ەسىمدەرى بەلگىلى بولدى.

سونىمەن 2010-2011 جىلدارى تۋعان ۇلدار اراسىندا:

42  كەلى سالماق دارەجەسىندە I –يلياس ءادىلحان (قاراساي №1 مبجسم)،

46 كەلى    I – المات بايزاق (ورمبج سم)،

50 كەلى  I –بەكارىس سۇلتانعازى (ەڭبەكشىقازاق №1 بجسم)،

60 كەلى  I –ەراسىل كاميلحان (قاراساي №1 مبجسم)،

66 كەلى  I – ءانۋار تۇرسىنباي (تالعار №1 مبجسم)،

73 كەلى I –اسلان نۇرداۋلەت (تاۋەكەل سم)،

+ 81 كەلى   I – اسەت ايدىن ۇلى (قاراساي №1 مبجسم)،

2011-2013 جىلدارى تۋعان قىزدار اراسىندا:

36 كەلى سالماق دارەجەسىندە I –اديا زاريپباي (ەڭبەكشىقازاق №1 بجسم)،

40 كەلى   I – دانەليا سەرىك (جاناشار)،

44 كەلى  I –كاميلا اسيموۆا (لاچين وليمپيك)،

48 كەلى I –كاۋسار مۇحتار (ىلە اۋد)،

52 كەلى  I – ايشا بايانگەلدى (تالعار №1 مبجسم)،

57 كەلى I — لاۋرا (– ۆوروپاەۆا ورمبج سم)،

+ 57 كەلى I –حاديشا امانكەلدى (قاراساي №2  مبجسم)،

2012-2013 جىلى تۋعان كىشى ءجاسوسپىرىم ۇلدار اراسىندا:

32 كەلى سالماق دارەجەسىندە  I –ابىلاي ابدراحمان (ەڭبەكشىقازاق №2 بجسم)،

I –دياس جولدىباي (قاراساي №1  مبجسم)،

38 كەلى I ء–الي جاناباي (جىگەر سم)،

42 كەلى I –ازامات باعدات (ورمبج سم)،

46  كەلى I –نۇراسىل ماحاماتوۆ (تالعار №1 مبجسم)،

50  كەلى I –مۇحاممەدعالىم تۇرسىنباي (ەڭبەكشىقازاق №2 بجسم)،

55 كەلى I – دارىن مۇرات (ىلە اۋد)،

60 كەلى I –اتتيلا توحتيەۆ (ۇيعىر اۋد)،

66 كەلى I – شىڭعىس دوسىمحان (ورمبج سم)،

+ 66 كەلى I –جامبىل امان (ەڭبەكشىقازاق №2 بجسم) تالانتتى  بالۋاندارى جەڭىستىڭ باس تۇعىرىنا كوتەرىلىپ جارىس جەڭىمپازدارى اتاندى.

وسىلايشا دزيۋدو كۇرەسىنەن جاسوسپىرىمدەر جانە كىشى جاسوسپىرىمدەر اراسىندا «تاۋەلسىزدىك كۇنىنە» ارنالعان اشىق وبلىستىق تۋرنير اياقتالىپ، جەڭىمپازدار مەن جۇلدەگەرلەر قۇرمەتپەن ماراپاتتالدى.

جارىستىڭ باستى ماقساتى جاسوسپىرىمدەردى دوستىققا، پاتريوتتىق سەزىمگە تاربيەلەۋ. ءبىر ىنتالى جاس بالۋانعا بۇل جارىس العاشقى سىن بولسا، جارىس دۇبىرىنە ەرتەرەك تۇسكەن جالىندى جاستارعا بۇل باسەكە العا قاراي قامشىلاي تۇسەتىن سىن بولدى. «ەڭبەكتەگى ءار مينۋت-ءبىر نەسىبە»، دەمەكشى جەڭىس جولىندا تاباندى ەتكەن ەڭبەك تالانتتاردى ءالى تالاي اسۋلارعا شىعارار دەگەن ۇمىتتەمىز.

داڭققا باستايتىن داڭعىل جول ەڭبەك بولسا، ەڭبەكپەن ارماندى ارداقتاپ ەڭبەكپەن ءومىردى وررەكتەۋدىڭ جاسۇرپاق ءۇشىن ماڭىزى زور دەپ بىلەمىز. جاسوپىرىمدەرىمىزدىڭ جەڭىس ءۇشىن جالىقپاي جاساعان جاتتىعۋلارى ءوز ناتيجەسىن بەرەرى ءسوزسىز. ال تاۋەلسزدىك كۇنىنە وراي ەسىكتە وتكەن الامان جەكەپ-جەككە قاتىسقان جاسۋبىننىڭ بويىنان ۇلتتىق نامىس پەن ۇزدىكسىز جاتتىعۋلارى بەكەر كەتپەگەنىن بايقادىق. وسى التىن بۋىن جاسوسپىرمدەردىڭ اراسىنان ەرتەڭ ەلدوس سمەتوۆ، ءابيبا ابۋجاقىنوۆا سەكىلدى الەم تانىپ، ەل قۇرمەتتەگەن بالۋانداردىڭ ەسىمدەرى شىعىپ جاتسا، توگىلگەن تەر، تاباندى ەڭبەك بوس كەتپەگەن دەپ ەسەپتەيمىز.

 

اقىن ورداباي ۇلى،

الماتى