Jeńistiń jolyn ashatyn kilt – eńbek

Eńbek etpeı eshnársege qol jetkizý múmkin emes. Talmaı jasaǵan tabandy eńbektiń nátıjesinde adam bir jetistikke jete alady.

«Kim kóp eńbek etse, baqyt soǵan qonady», — degen eken Leonardo Da Vınchı.  Mysaly, sportta attary álemge áıgili Pele, Muhammed Álı, Maıkl Felpps, Ýseın Bolt, Teddı Rınner, Aleksandr Medved sekildi  attaryn aıta berseń, sheksiz birtýar tulǵalar sondaı ǵalamat jetistikterge jetýiniń basty sebebi, talmaı jalyqpaı jasaǵan eńbektiń arqasynda ekindigin basa aıtyp ótedi. Sondyqtan da tolassyz jasalǵan eńbek qandaı da bir tosqaýyldy buzyp óteri anyq.

Eńbekti sóz qylyp aıtyp otyrǵanymyz qandaı sport túri bolmasyn tipti, ol endi ǵana súıgen sportymen aınalasy  bastaǵan  jas óren  sol sportqa baryn salyp jasaǵan eńbeginiń ónbegin kóredi. Kezinde  Olımpıada chempıony, Barker kýbogynyń ıgeri Baqtııar Artaevtyń úıinde bolyp, ata-anasynan suhbat alǵanymyzda Baqtııardyń jattyǵýy aıaqtalsa da jeke qalyp óz betinshi saǵattap jattyǵýyn jasaıtynyn aıtyp bergen edi. Mine, sol Baqtııardyń tabandy eńbegi eleýsiz qalmaı Olımpıada bıigin baǵyndyrdy. Sol sekildi qazirgi jasóspirimderimiz osyndaı aǵa býynnyń jeńisti jolyn qalaı jalǵastyryp keledi eken, degen suraq týyndaǵan edi. Onyń jaýabyn jýyrda Almaty oblysy Eńbekshiqazaq aýdany, Esik eldi mekeninde ótken alaman jekpe-jekte taýyp qaıttyq.

Esiktegi №1 Balalar men jasóspirimder sport mektibinde dzıýdo kúresinen jasópirimder arasynda ótken oblystyq jarysta kúresken ul-qyzdardyń jekpe-jegin tamashalaı otyryp, kóptegen  kókeıkesti suraqqa jaýaptyń shetin shyǵarǵandaı boldyq. Bul jarys el egemendiginiń basty qundylyǵy Táýelsizdik kúnine oraı uıymdastyrlyǵan eken.

Jarysqa Almaty qalasy, Qonaev qalasy, Ile aýdany, Qarasaı aýdany, Talǵar aýdany, Uıǵyr aýdany, Raıymbek aýdany, Jambyl aýdany, Kegen aýdandarynan jalpy sany 300-ge jýyq balýan  jeńis jolynda altyn júlde úshin bar sheberlikterin ortaǵa saldy. Osyndaı alaman jarysty uıymdastyrý ońaı emesi anyq.

Týrnırge kelgen bota balýandardyń as-sýyn daıyndap, jaǵdaıyn jasap shapqylap júrgen Esik keńsharyndaǵy №1 Balalar men jasóspirimder sport mektebiniń dırektory Abaı Qanatuly Syrǵabaevqa balalaryn alyp kelgen bapkerler men ata-analar zor alǵystaryn bildirip jatqanyn estidik. Iá, rasymen de jaǵdaı týǵyzylǵan jerde bereke bolary anyq. Al jarysqa kelsek, joǵary da aıtyp ótkenimizdeı bul sporttty jaqsy kórip, jan-tánimen jattyǵýyn jasap, jeńis úshin jan aıamaı kúresken sheberligi joǵary jasópirimder fınalǵa da joldama ala bastady. Al bir qaınaýy jetpeı qalǵan jasópirim balýandar jeńilistiń aщy dámin tatyp, kózderine jas alyp kilemnen shyǵyp jatty.

Daıyndyǵy joǵary, ózine senimdi balýandar kilemge shyqqanda da jattyǵýda jasaǵan ádis-aılasyn esh qıyndyqsyz qoldanyp salqynqandylyq tanytyp jatqandaryna bir jaǵynan rıza bolyp tamashaladyq. Iá, jeńilip qalyp namystan kózderinen jas sorǵalyp shyǵyp bara jatqan qyzdardy da kózimiz shaldy. Degenmen de sondaı namysy zor balýan qyzdardan erteń el biletin tanymal balýan shyǵatynyna senim zor. О́ıtkeni, namys pen eńbekti alǵa tartqan alǵyr jas eshqashanda  týy jyǵalmasa anyq. Oǵan mysal qazirgi tańda dzıýdo kúresinen álemdik dodalarda topjaryp kóptegen jasópirim qyzdarymyzǵa úlgi bolyp júrgen Ábıba Abýjaqynovanyń esimin aıta ketsek bolatyn shyǵar. Hosh, sonymen Táýelsizdik kúnine oraı ótken Almaty oblysynyń baıraqty jarysynda qalyń toptan qaq jaryp shyǵyp, jeńis tuǵyryna kóterilgen balýandardyń da esimderi belgili boldy.

Sonymen 2010-2011 jyldary týǵan uldar arasynda:

42  keli salmaq dárejesinde I –Ilııas Ádilhan (Qarasaı №1 MBJSM),

46 keli    I – Almat Baızaq (ORMBJ SM),

50 keli  I –Bekarys Sultanǵazy (Eńbekshiqazaq №1 BJSM),

60 keli  I –Erasyl Kamılhan (Qarasaı №1 MBJSM),

66 keli  I – Ánýar Tursynbaı (Talǵar №1 MBJSM),

73 keli I –Aslan Nurdáýlet (Táýekel SM),

+ 81 keli   I – Áset Aıdynuly (Qarasaı №1 MBJSM),

2011-2013 jyldary týǵan qyzdar arasynda:

36 keli salmaq dárejesinde I –Adııa Zarıpbaı (Eńbekshiqazaq №1 BJSM),

40 keli   I – Danelıa Serik (Janashar),

44 keli  I –Kamıla Asımova (LAChIN OLIMPIK),

48 keli I –Káýsar Muhtar (Ile aýd),

52 keli  I – Aısha Baıangeldi (Talǵar №1 MBJSM),

57 keli I — Laýra (– Voropaeva ORMBJ SM),

+ 57 keli I –Hadısha Amankeldi (Qarasaı №2  MBJSM),

2012-2013 jyly týǵan kishi jasóspirim uldar arasynda:

32 keli salmaq dárejesinde  I –Abylaı Abdrahman (Eńbekshiqazaq №2 BJSM),

I –Dıas Joldybaı (Qarasaı №1  MBJSM),

38 keli I –Álı Janabaı (Jiger SM),

42 keli I –Azamat Baǵdat (ORMBJ SM),

46  keli I –Nurasyl Mahamatov (Talǵar №1 MBJSM),

50  keli I –Muhammedǵalym Tursynbaı (Eńbekshiqazaq №2 BJSM),

55 keli I – Daryn Murat (Ile aýd),

60 keli I –Attıla Tohtıev (Uıǵyr aýd),

66 keli I – Shyńǵys Dosymhan (ORMBJ SM),

+ 66 keli I –Jambyl Aman (Eńbekshiqazaq №2 BJSM) talantty  balýandary jeńistiń bas tuǵyryna kóterilip jarys jeńimpazdary atandy.

Osylaısha dzıýdo kúresinen jasóspirimder jáne kishi jasóspirimder arasynda «Táýelsizdik kúnine» arnalǵan ashyq oblystyq týrnır aıaqtalyp, jeńimpazdar men júldegerler qurmetpen marapattaldy.

Jarystyń basty maqsaty jasóspirimderdi dostyqqa, patrıottyq sezimge tárbıeleý. Bir yntaly jas balýanǵa bul jarys alǵashqy syn bolsa, jarys dúbirine erterek túsken jalyndy jastarǵa bul báseke alǵa qaraı qamshylaı túsetin syn boldy. «Eńbektegi ár mınýt-bir nesibe», demekshi jeńis jolynda tabandy etken eńbek talanttardy áli talaı asýlarǵa shyǵarar degen úmittemiz.

Dańqqa bastaıtyn dańǵyl jol eńbek bolsa, eńbekpen armandy ardaqtap eńbekpen ómirdi órrekteýdiń jasurpaq úshin mańyzy zor dep bilemiz. Jasópirimderimizdiń jeńis úshin jalyqpaı jasaǵan jattyǵýlary óz nátıjesin bereri sózsiz. Al Táýelszdik kúnine oraı Esikte ótken alaman jekep-jekke qatysqan jasýbynnyń boıynan ulttyq namys pen úzdiksiz jattyǵýlary beker ketpegenin baıqadyq. Osy altyn býyn jasóspirmderdiń arasynan erteń Eldos Smetov, Ábıba Abýjaqynova sekildi álem tanyp, el qurmettegen balýandardyń esimderi shyǵyp jatsa, tógilgen ter, tabandy eńbek bos ketpegen dep esepteımiz.

 

Aqyn ORDABAIULY,

ALMATY