Úlken sporttaǵy shyndyq

Jaqynda belgili shańǵyshy Maǵjan Amankeldiulymen suhbattasýdyń sáti tústi. Ol halyqaralyq jarystarda qysqy sport túrlerinen  el namysyn qorǵap, talaı syndardan súrinbeı kele jatqan jas sportshy.

 Maǵjan jastaıynan qysqy sportty ózine serik etip,  bıylǵa deıin elishilik týrnırler men halyqaralyq dúrmekti dodalarǵa qatysyp, qurmet tuǵyrynyń eń bıik satysyna shyǵyp otyr. Jarysta jeńimpaz bolý ekiniń biriniń qolynan kele bermeıdi. Ol kóp eńbekti talap etedi. Mańdaı termen kelgen jeńistiń dámi de bólek ekenin sportshylar jaqsy biledi. Sondyqtan Maǵjan áńgime kezinde sportqa qatysty da aıtar oıy bar ekenin aıtty. Endi sol shaǵyn suhbatty oqyrmannyń nazaryna usynýdy jón kórip otyrmyz.

-Maǵjan, ashyǵyn aıtsaq seniń deńgeıińdegi sportshyny daıyndaý qansha turady?

-Shynyn aıtqanda, kásibı qysqy sport — óte qymbat. Bir maýsymnyń ózine sheteldik jarystar, oqý-jattyǵý jıyndary, qural-jabdyq, qyzmet, medıına, qalpyna kelý kiredi.

Álemdik deńgeıde daıyndalatyn bir sportshyǵa jylyna ondaǵan mıllıon teńge qajet. Bul artyq shyǵyn emes — básekege qabiletti bolý úshin eń tómengi qajetti deńgeı.

-Al Qazaqstanda sportshyǵa naqty qansha qarjy bólinedi?

-Kóp adam oılaǵandaı emes. Memlekettik qarjylandyrý bárin tolyq jappaıdy. Kóbine tek bazalyq jıyndar men jarystardyń bir bóligi ǵana qamtylady. Qalǵanynyń bári — jeke daıyndyq, qosymsha jarystar, keıde tipti jol shyǵyndary sportshynyń nemese otbasynyń moınynda bolady.

-Demek, «sportshylar tolyq qamtamasyz etilgen» degen oıdan shyǵyrylǵan ba?

-Iá, bul — mıf. Oıdan shyǵarylǵan. Eger sen Olımpıada chempıony nemese turaqty túrde medal alyp júrgen sportshy bolmasań, resýrs izdeýge májbúrsiń.

Qazaqstanda aldymen nátıje talap etiledi, sodan keıin ǵana qoldaý bolýy múmkin.

Eýropada kerisinshe — aldymen ınvestıııa, keıin talap.

-Álem kýbogy men álem chempıonatyna qatysý tabys ákele me?

-Joq. Alǵashqy kezeńde halyqaralyq jarystar tabys emes, taza shyǵyn ákeledi. Júlde qarjysy tek joǵary oryndardan bastalady. Al oǵan deıin sen óz atyńa, reıtıngińe jáne elińe ınvestıııa salasyń.

-Onda nege kópshilik sııaqty sporttan erterek ketip qalmadyń?

-Sebebi men óz deńgeıimdi bildim. Men Qazaqstan buryn bolmaǵan deńgeıde básekege túse alatynyn kórdim.

Osy deńgeıge bir ret shyqqannan keıin, «qıyn» degen syltaýmen ketý — men úshin álsizdik.

-Shańǵy qossaıysy jabylǵan soń mansapty aıaqtaýǵa bolatyn edi. Nege jalǵastyrdyń?

-Sebebi, sport — tek bir dısıplına emes. Bul — klass.

Men shańǵy tramplıninen sekirýde bárin nólden bastadym da birinshi maýsymda-aq Qazaqstan kýbogyn jeńip aldym.

Bul meniń júıege bergen jaýabym boldy: másele mende emes.

-Qazir saǵan ne mańyzdyraq — qarjy ma, álde nazar ma?

-Maǵan eń keregi — turaqty ári túsinikti qoldaý.

Sportshy erteńgi jarysty qalaı qarjylandyramyn dep emes, nátıje týraly oılaýy kerek.

Sportqa salynǵan ınvestıııa — qaıyrymdylyq emes, bul strategııa.

-Qazaqstandaǵy jas sportshylarǵa ne aıtar ediń?

-Minsiz jaǵdaı kútpeńder. Ol bolmaıdy.

Biraq eger sen shynymen myqty bolsań, júıe seni erte me, kesh pe moıyndaıdy.

Eń bastysy — seni elemeýge bolmaıtyn deńgeıge jetý.

-Sońǵy suraq. О́zińniń basty maqsatyńdy qalaı tujyrymdaısyń?

-Qazaqstannyń eń qıyn qysqy sport túrlerinde qatysýy qalypty qubylysqa aınalýy kerek.

Men alǵashqy qadamdy jasadym. Endi kelesi qadamdy kim jasaýǵa daıyn — sol mańyzdy.

-Áńgimeńe rahmet!

 

Áńgimelesken, Rústem JUMAN