SportPress.kz Qazaqstan sport jańalyqtary
Túrkistan qalasynda shahmattan jasóspirimder arasynda Qazaqstan chempıonaty bastaldy, dep habarlady oblys ákiminiń baspasóz qyzmeti.
Dúbirli synǵa elimizdiń barlyq óńirinen 1052 sportshy tirkelip, synǵa túsip jatyr. Chempıonattyń ashylý saltanatyna Túrkistan oblysynyń ákimi Nuralhan Kósherov qatysyp, jarysqa qatysýshylarǵa sáttilik tiledi.
– Qasıetti Túrkistan qalasyna qosh kelidińizder! Memleket basshysynyń tapsyrmasyna sáıkes, elimizde zııatkerlik sport túrlerin, onyń ishinde shahmatty damytýǵa erekshe kóńil bólinýde. Osy maqsatta «2023-2027 jyldarǵa arnalǵan shahmatty damytýdyń jol kartasy» aıasynda Túrkistan oblysynda naqty ári nátıjeli jumystar atqarylyp keledi.
Qazirgi tańda oblystaǵy 20 sport mekemesinde 97 jattyqtyrýshy 2 myńnan asa shahmatshymen turaqty oqý-jattyǵý sabaqtaryn júrgizýde. Sonymen qatar óńirde 11 shahmat úıi ashylyp, kópqabatty turǵyn úılerdiń aýlalary men saıabaqtarynda ashyq shahmat alańdary ornatyldy. Bul – shahmatty buqaralyq deńgeıde damytýǵa baǵyttalǵan mańyzdy bastama. Túrkistan oblysy sońǵy jyldary shahmattan respýblıkalyq jáne halyqaralyq jarystardy uıymdastyratyn ortalyqtardyń birine aınaldy. Turaqty qoldaýdyń arqasynda óńir shahmatshylarynyń jetistikteri de kóbeıýde. Atap aıtar bolsaq, Asylhan Asııa qaryndasymyz 2024 jylǵy álem chempıonatynyń kúmis júldegeri, 2025 jylǵy Azııa chempıony atandy. Sultanhan Nurıslam jasóspirimder arasynda álem chempıonatynyń kúmis júldegeri boldy. Basqa da jas sportshylarymyz túrli jarystarda jeńisterimen qýantyp júr. Túrkistandaǵy doda jańa talanttardyń ashylýyna jáne otandyq shahmattyń damýyna serpin beredi dep senemin. Jarysqa qatysýshylarǵa sáttilik, ádil oıyn jáne jeńis tileımin! – dedi Nuralhan Kósherov.
Shahmat federaııasynyń vıe-prezıdenti Marat Esenov Túrkistan tórindegi jarystyń uıymdastyrylý deńgeıin jaqsy baǵalady. Shahmat federaııasynyń prezıdenti Tımýr Týrlovtyń ystyq sálemin jetkizip, osy chempıonat arqyly Qazaqstannyń jasóspirimder quramasy jasaqtalatynyn aıtty.
Odan keıin oblys ákimi men Shahmat federaııasynyń vıe-prezıdenti jasóspirimder arasynda top jaryp júrgen chempıondarmen birge chempıonattyń alǵashqy júrisin jasady. Tanymal chempıondar óz qoltańbalary qoıylǵan shahmat taqtasyn óńir basshysyna saltanatty túrde tapsyrdy.
Shahmat federaııasy, Týrızm jáne sport mınıstrligi, Túrkistan oblysy ákimdiginiń qoldaýymen ótkizilip jatqan chempıonat 10 kúnge sozylady. Atap aıtqanda, uldar jáne qyzdar arasynda 6, 8, 10, 12, 14, 16 jáne 18 jasqa deıingi sanattar boıynsha klassıka, rapıd jáne blı túrlerinen medaldar sarapqa salynady. Chempıondar men júldegerler medal, dıplom jáne aqshalaı syıaqylarmen marapattalady. Jarystyń jlpy júlde qory – 15 mln 120 myń teńge. Ár jas sanaty boıynsha birinshi orynǵa – 250 myń, ekinshi orynǵa – 150 myń, úshinshi orynǵa – 100 myń teńge tapsyrylady.
Byltyr jasóspirimder men mektep oqýshylary álem, Azııa chempıonattarynda 122 medal jeńip aldy (52 altyn, 32 kúmis jáne 38 qola). Sol chempıondar Túrkistandaǵy chempıonatta óz myqtylyǵyn dáleldeý úshin taǵy da synǵa túsip jatyr. El chempıondary men júldegerleri Qazaqstan quramasy sapynda halyqaralyq dodalarǵa qatysady.
