سايىپقىران. جاس بالۋاننىڭ جارقىن جەڭىسى

اقتاۋ قالاسىندا دزيۋدودان جاسوسپىرىمدەر اراسىندا وتكەن قازاقستان چەمپيوناتىندا اۋدانىمىزدىڭ ماقتانىشى راۋان عازيزوۆ جاقسى ناتيجە كورسەتتى.

ەلدىڭ تۇكپىر-تۇكپىرىنەن جينالعان دودادا جاس بالۋان ەرەيمەنتاۋ اۋدانىنىڭ ابىرويىن اسقاقتاتتى.

چەمپيوناتتا ول التى رەت بوزكىلەمگە شىعىپ، سونىڭ بەسەۋىندە جەڭىسكە جەتىپ، تەك ءبىر بەلدەسۋدە عانا جەڭىلىس تاپتى. راۋان فينالدا قىزىلوردا وبلىسىنىڭ بالۋانىمەن كۇش سىناستى. تارتىسقا تولى بەلدەسۋلەر جاس سپورتشىنىڭ جارىسقا دايىندىعىن، تاباندىلىعىن جانە جەڭىسكە دەگەن جىگەرىن ايقىن كورسەتتى.

جەرلەسىمىز 2009 جىلى ەرەيمەنتاۋ قالاسىندا تۋعان. ول كۇرەسپەن 6 جاسىنان باستاپ، ياعني 2015 جىلدان بەرى تۇراقتى تۇردە اينالىسىپ كەلەدى. جاس بولسا دا، سپورتتاعى جولى ەرتە باستالىپ، ۇلكەن ەڭبەك پەن توزىمدىلىكتىڭ ارقاسىندا بۇگىنگى بيىك بەلەستەرگە جەتىپ وتىر.

ايتا كەتەرلىگى، بۇل جاس ساناتىندا ەرەيمەنتاۋ اۋدانى سپورتشىلارى سوڭعى رەت 2019 جىلى قوستاناي قالاسىندا جۇلدەلى ورىن العان بولاتىن. سول جىلى ولجاس ەرەنعايىپوۆ قازاقستان چەمپيوناتىندا ءۇشىنشى ورىن يەلەنگەن ەدى. ەندى مىنە، اراعا بىرنەشە جىل سالىپ، اۋدانىمىز تاعى دا رەسپۋبليكالىق جارىستا ءوز مىقتىسىن تانىتىپ وتىر.

-مەن 2009 جىلى 20 قاڭتاردا  اقمولا وبلىسى، ەرەيمەنتاۋ اۋدانىندا قاراپايىم وتباسىندا دۇنيەگە كەلدىم. اكەم باۋىرجان عازيز ۇلى مۇحامەدجانوۆ تەمىرجول سالاسىندا 25 جىلدان استام ەڭبەك ەتىپ كەلەدى. انام  جارىلقاسىن ەلەۋسىنقىزى بيتاقوۆا مەكتەپتە مۇعالىم،  ۇلاعاتتى ۇستاز. وتباسىمىزدا 3 ەر بالا بار. مەن — ورتانشىسىمىن.

اۋدانىمىزدىڭ ناسىر سماعۇلوۆ اتىنداعى مەكتەپ ليتسەيىنىڭ  تابالدىرىعىن اتتاپ، بىلىمگە قادام باستادىم. 1-سىنىپتان باستاپ كۇرەسكە دەگەن قىزىعۋشىلىعىم ويانىپ، سارسەنبەك  وتەپوۆ اعايعا شاكىرت بولىپ جاتتىعۋدى باستاپ كەتتىم. كوپتەگەن اۋداندىق، وبلىستىق، رەسپۋبليكالىق جارىستارعا قاتىسا وتىرىپ، مەنىڭ سپورتقا دەگەن قىزىعۋشىلىعىم ارتا ءتۇستى.

6-سىنىپتى اياقتاعاننان كەيىن. قاجىمۇقان مۇڭايتپاسوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجىنە 7-سىنىپ وقۋشىسى بولىپ قابىلداندىم. قازىر ءبىلىم ورداسىنىڭ 11-سىنىبىندا وقيمىن.  سپورتپەن شۇعىلدانۋ ءار ءت ۇلى قاسيەتتەردى  تالاپ ەتەدى. ولار دەنە دايىندىعى، كوڭىل-كۇي دايىندىعى جانە تاپقىرلىق. سپورت ارقىلى  مەن شىدامدىلىقتى، توزىمدىلىكتى، جەڭىلگەن جاعدايدا مويىماي، العا قاراي ۇمتىلۋدى ۇيرەندىم. العا قويعان ماقسات، ارماندارىم كوپ. سوعان جەتۋ جولىڭدا ەرىنبەي ەڭبەك ەتىپ، بار كۇش جىگەرىمدى سالامىن، — دەدى ول.

جاس بالۋاننىڭ ءوزى ايتقانداي، بۇل جەتىستىگىندە بىلىكتى جاتتىقتىرۋشىلاردىڭ ەڭبەگى زور. ونى سپورتتىق شەبەرلىككە باۋلىپ، ۇلكەن دوداعا دايىنداعان جاتتىقتىرۋشىلار — سامات تىلەۋبەرگەنوۆ پەن ەرحان عابباسوۆ. ولار شاكىرتىنىڭ ءار بەلدەسۋىنە جان-جاقتى دايىندالىپ، سەنىم مەن جىگەر سىيلاي ءبىلدى.

بۇل جەڭىس — تەك ءبىر سپورتشىنىڭ عانا ەمەس، ەرەيمەنتاۋ اۋدانىنىڭ سپورت سالاسىنداعى ۇلكەن جەتىستىگى. ءجاسوسپىرىم بالۋانىمىز — اۋدانىمىزدىڭ شىنايى ماقتانىشى، وسكەلەڭ ۇرپاققا ۇلگى بولار سپورتشى.

باحتيار جەپەنوۆ،

ەرەيمەنتاۋ اۋدانى اكىمىنىڭ ءباسپاسوز حاتشىسى