Erbol Hamıtov Álem kýbogynda taǵy bir medal aldy

Polshanyń Iakýshıe qalasynda tirek-qımyl apparaty jáne kórý qabileti zaqymdanǵan sportshylar arasynda ótip jatqan para shańǵy jarysynan Álem kýbogynyń kezeńinde Erbol Hamıtov (LW12) 6 km qashyqtyqty 18 mınýt 24 sekýndta júrip ótip, kúmis júldege ıe boldy, dep habarlady Týrızm jáne sport mınıstrligi Sport jáne dene shynyqtyrý isteri komıtetiniń «Dene múmkindikteri shekteýli adamdaorǵa arnalǵan splrttyq daıarlaý ortalyǵy» RMQK.

Altyn júldeni Italııanyń sportshy Djýzeppe Romel (18:02) jeńip alsa, qola júlde ýkraınalyq Pavel Balge (18:27) buıyrdy.

Bul – Erbol Hamıtovtyń para shańǵy jarysynan Álem kýbogyndaǵy ekinshi kúmis júldesi. Buǵan deıin ol 1 km sprınttik jarysta da kúmis júldeger atanǵan bolatyn.

Para shańǵy jarysynan Álem kýbogy kezeńi 28 qańtar bastalǵan. Ol 1 aqpanǵa deıin bolady. Dodaǵa álemniń 25 elinen 300-ge jýyq sportshy qatysyp jatyr.

Qazaqstan ulttyq quramasy sapynda Aleksandr Gerlı (LW6), Sergeı Ýsolev (LW12), Nurlan Álimov (LW6), Iýrıı Berezın (LW12), Vladıslav Kobal (LW8), Roman Kýrbanov (NS3), Anna Grachova (NS3) pen Denıs Zınov (LW3) bar. Aldaǵy kúnderi sportshylar 10 km klassıkalyq jáne 10 km jappaı start jarystarynda baq synaıdy.

Jarys Mılan–Kortın–2026 XIV qysqy Paralımpııa oıyndaryna joldama beretin reıtıngtik jarystar qataryna kiredi.