SportPress.kz قازاقستان سپورت جاڭالىقتارى
ساۋد ارابياسىندا ءوتىپ جاتقان شوسسەدەگى پارا ۆەلوسپورتتان ازيا چەمپيوناتىنىڭ العاشقى جارىس كۇنىندە ەلىمىزدىڭ سپورتشىلارى 1 التىن، 4 كۇمىس جانە 1 قولا مەدال ەنشىلەدى، دەپ حابارلادى تۋريزم جانە سپورت مينيسترلىگى سپورت جانە دەنە شىنىقتىرۋ ىستەرى كوميتەتىنىڭ «دەنە مۇمكىندىكتەرى شەكتەۋلى تۇلعالارعا ارنالعان سپورتتىق دايارلاۋ ورتالىعى» رمقك.
26،8 كم قاشىقتىقتاعى ۆ كلاسى بويىنشا ەرلەر اراسىنداعى تاندەمدىك جەكەلەي سىندا كيريلل يليۋكەۆيچ (ستوكەر) پەن گلەب برۋسسەنسكي (پيلوت) 00:33:04 ناتيجەسىمەن مارەگە ەكىنشى بولىپ جەتسە، نايل ەرمۇحانبەت (ستوكەر) پەن رۋسلان اليەۆ (پيلوت) 00:34:22 ۋاقىتپەن ءۇشىنشى ورىندى يەلەندى. ال ءبىرىنشى ورىندى 00:32:50 ناتيجەسىمەن وڭتۇستىك كورەيا قۇراماسى جەڭىپ الدى.
ايەلدەر اراسىنداعى تاندەمدىك جارىستا جۇلدىز قايناروۆا (ستوكەر) مەن انجەلا سولوۆەۆا (پيلوت) 26،8 كم قاشىقتىقتى 00:38:48 ۋاقىتتا ءجۇرىپ ءوتىپ، مارەگە ءبىرىنشى بولىپ كەلدى. 00:40:34 ناتيجەسىمەن اناستاسيا كالاۋس (ستوكەر) پەن پولينا براتچيكوۆا (پيلوت) ەكىنشى ورىن الدى. ال ءۇشىنشى بولىپ مارە سىزىعىن تايلاند سپورتشىلارى كەستى (00:43:16).
وسى قاشىقتىقتاعى جەكەلەي سىندا س4 كلاسىندا قازاقستاندىق پاۆەل بابەنكو 00:43:45 ناتيجەسىمەن ەكىنشى بولىپ كەلدى. ءبىرىنشى ورىندى 00:38:11 ۋاقىتپەن ءباا سپورتشىسى يەلەنسە، 00:45:55 ناتيجەسىمەن وزبەكستاندىق سپورتشى ءۇشىنشى ورىنعا تابان تىرەدى.
H2 كلاسىنداعى جەكەلەي سىندا وتانداسىمىز بەرىك كارتباي كۇمىس جۇلدەگەر اتاندى. بۇل – قازاقستان تاريحىنداعى H كلاسىنداعى (handcycle) ازيا چەمپيوناتىنداعى العاشقى جۇلدە. Handcycle – سپورتشىلار قولمەن اينالدىراتىن ارنايى ءۇش دوڭگەلەكتى ۆەلوسيپەدپەن تراسسادا ونەر كورسەتەتىن پاراليمپيادالىق سپورت ءتۇرى. مۇنداي جارىستار تىرەك-قيمىل اپپاراتى زاقىمدانعان سپورتشىلار اراسىندا شوسسەدە نەمەسە ترەكتە ۇيىمداستىرىلادى.
شوسسەدەگى پارا ۆەلوسپورتتان ازيا چەمپيوناتى ساۋد ارابياسىنىڭ ءال-كاسسيم ايماعىندا وتۋدە. جارىسقا 10 ەلدەن 50-دەن استام سپورتشى قاتىسۋدا. 13 اقپاندا قازاقستان قۇراماسى توپتىق سىندا باق سىنايدى.
