مەرەكەدە دەمالىس سىيلاۋ – قامقورلىقتىڭ ەڭ ۇزدىك كورىنىسى

8 ناۋرىز — ايەلدەردىڭ حالىقارالىق كۇنى

بۇگىندە 8 ناۋرىز جاي عانا مەرەكە ەمەس، جاقىن جاندارعا شىنايى قامقورلىق كورسەتەتىن كۇنگە اينالىپ كەلەدى.

قازىر ادامدار جاي سيمۆوليكالىق سىيلىقتان گورى كوڭىل—كۇي سىيلايتىن، دەنساۋلىققا پايدالى ءارى شىن مانىندە قاجەت بولاتىن تارتۋدى تاڭداۋعا تىرىسادى. 

بيىل حالىق وز-وزىنە كۇتىم جاساۋعا كوپ كوڭىل ءبولىپ جاتىر. سوندىقتان قازىر ەڭ باعالى سىيلىق — پايدالى، ادامنىڭ ءومىرىن جەڭىلدەتەتىن جانە ەرەكشە اسەر قالدىراتىن سىيلىق. ەڭ باستىسى، ول ءسىزدىڭ جاقىنىڭىزدىڭ قىزىعۋشىلىعى مەن قاجەتتىلىگىن ەسكەرىپ، تاڭداعانىڭىزدى كورسەتۋى ءتيىس.

سونىمەن بيىلعى جىلدىڭ ترەندتەرى مەن انتيترەندتەرى نە دەگەن سۇراققا جاۋاپ ىزدەسەك، ونى مىنا جولداردار تابۋعا بولادى.

 ترەندتەر

قازىر ادامدار كۇندەلىكتى ءومىردى جەڭىلدەتەتىن، ۋاقىتتى ۇنەمدەيتىن زاتتاردى كوبىرەك تاڭدايدى. مىسالى، روبوت-شاڭسورعىش، شاش ۇلگىلەۋگە ارنالعان قۇرىلعىلار، ەلەكترلى ماسساجەر، سىمسىز قۋاتتاعىش، سمارت-كولونكا، سمارتفون نەمەسە پلانشەت — ءبارى دە ءومىردى ىڭعايلى ەتەدى. سونىمەن قاتار قازىر زاتتان گورى ەرەكشە اسەر سىيلاۋ سانگە اينالعان. مىسالى، فوتوسەسسيا، Spa-عا سەرتيفيكات، اتپەن سەرۋەندەۋ، اۋە شارىمەن ۇشۋ، فلوريستيكا نەمەسە بيگە ارنالعان شەبەرلىك ساباعى، كونتسەرتكە بيلەت — مۇنداي سىيلىقتار ەستە قالارلىق ەموتسيا سىيلايدى. بەلسەندى ءارى سالاۋاتتى ءومىر سالتىنا ارنالعان سىيلىقتار دا سۇرانىستا. يوگا توسەنىشتەرى، سپورتتىق ريۋكزاكتار نەمەسە فيتنەس-بىلەزىكتەر — دەنساۋلىققا كوڭىل بولەتىن جاندار ءۇشىن جاقسى تاڭداۋ.

انتيترەندتەر

كەيبىر سىيلىقتار، ەگەر ادام ءوزى سۇراماسا، ورىنسىز بولىپ كورىنۋى مۇمكىن. مىسالى، كاستريۋل مەن تابا، ءتۇرلى اسۇيگە ارنالعان زاتتار، ارزان اشەكەيلەر، قارتايۋعا قارسى كوسمەتيكا نەمەسە كادىمگى گيگيەنالىق جيىنتىقتار. مۇنداي سىيلىقتار تىم رەسمي اسەر قالدىرۋى نەمەسە ادامنىڭ جاسىن، تۇرمىستىق مىندەتىن مەڭزەپ تۇرعانداي بولىپ كورىنۋى مۇمكىن. سوندىقتان سىيلىق تاڭداعاندا ونىڭ كوڭىلگە جىلى تيەتىنىن ەسكەرگەن دۇرىس.

گۇل شوعىنىڭ ورنىنا – تۇينەكتى گۇلدەر

سوڭعى كەزدە گۇل دۇكەندەرى كادىمگى كەسىلگەن گۇل شوعىنىڭ ورنىنا ادەمى بەزەندىرىلگەن تۇينەكتى گۇلدەردى كوبىرەك ۇسىنۋدا. ەڭ ءجيى تاڭدالاتىن گۇلدەر: اماريلليس ء(تىپتى كۇتىمدى قاجەت ەتپەيتىن، بالاۋىزبەن قاپتالعان ءتۇرى دە بار); گياتسينت – جاعىمدى، قانىق يىسىمەن ەرەكشەلەنەدى; كروكۋس پەن نارتسيسس – كوكتەمنىڭ بەلگىسى; قۇمىراداعى قىزعالداق – بۋكەتكە قاراعاندا ۇزاق ساقتالادى. مۇنداي گۇلدەردىڭ ارتىقشىلىعى – ولار ءبىر كۇندىك ەمەس. ۇيدە ءوسىپ، قايتا-قايتا گۇلدەي الادى. ادەمى قۇمىراعا نەمەسە ءساندى ىدىسقا وتىرعىزىلعان وسىمدىكتەر ءۇيدىڭ ينتەرەرىن تولىقتىرىپ تۇرادى. ال گۇلدىڭ بىرتىندەپ اشىلۋى ەرەكشە كوڭىل كۇي سىيلايدى.

ەرەكشە سىيلىق دەگەنىمىز شيپاجايعا جولداما

وزىڭە قامقورلىق جاساۋ ترەندى اياسىندا شيپاجايدا دەمالۋ ەرەكشە ماڭىزعا يە. جاقىن ادامىڭىز دەمالىپ، وزىنە ۋاقىت ءبولىپ، جايلى ورتادا تىنىعىپ، تازا اۋادا قاراعايلى ساياباقتا سەرۋەندەي الادى. Almaty Resort شيپاجايىنا جولداما — مەرەكەلىك دەمالىستى ءتيىمدى ساۋىقتىرۋمەن ۇيلەستىرەتىن تاماشا سىيلىق. مۇندا تابيعي رەسۋرستاردى پايدالانىپ ارنايى ەمدىك باعدارلامالار جاسالعان: جەكە ۇڭعىمادان الىنعان مينەرالدى سۋ، شيپالى بالشىقتار جانە شوپتىك تۇنبالار. گالوتەراپيا مەن كريوساۋنا ايەلدەر ءۇشىن وتە پايدالى: تەرى ساۋلىعىن جاقسارتادى، يممۋنيتەتتى كۇشەيتەدى جانە ماۋسىمدىق شارشاۋدى ازايتۋعا كومەكتەسەدى.

ەڭ قۇندى سىيلىق — كۇش-قۋات پەن كوڭىل كۇي سىيلايتىن سىيلىق. سىزدەرگە مىقتى دەنساۋلىق پەن شابىت تىلەيمىز!

نۇرلان قۇمار،

الماتى