Bapker men balýanǵa qurmet degen osy

Jaqynda Astanada «Semeı óńiriniń balýandary men bapkerleri» atty tarıhı-derekti jınaq jaryqqa shyqty.

Bul eńbektiń mańyzdylyǵy sol, onda kóptegen tanymdy maqalalar men derekter jarııalanǵan.

Jınaq eki tom bolyp basylǵan. Osy eki tomǵa 1046 materıal kirgizilgen.

Kitapty qurastyrýmen aınalysyp júrgen soń, mundaı eńbekti shyǵarý árıne, ońaı boldy dep aıta almaımyn. Bul degenińiz eń áýeli kitaptyń shyǵýyna demeýshi izdeý, sodan keıin baryp ony ýaqytynda baspaǵa tapsyrý úshin jospar quryp, jınaqty taraý-taraýǵa bólip, materıal jınastyrý, avtorlar tartý, maqalany daıyndaý. Mine, osyndaı kúndi kún, túndi tún demeı, kózge kórinbeıtin qyrýar jumystan keıin ǵana jınaq jaryqqa shyǵady. Osy jerde men eńbektiń bas demeýshisi sport janashyry, elimizdiń birtýar aptal azamaty, dańqty balýan, KSRO-nyń jáne Qazaqstannyń eńbek sińirgen sport sheberi, qazir Parlament Májilisiniń depýtaty bolyp elge qyzmet etip júrgen Dáýlet Bolatuly Turlyhanovqa alǵysymdy aıtqym keledi. О́ıtkeni, «búgingi kún — erteńgi tarıh» degen sóz bar. Kitapqa demeýshi bolyp, ony jaryq dúnıege shyǵarý bul — búgingi, keshegi kúndi taspaǵa túsirip, bolashaq urpaqqa elimizdiń tarıhyn dáripteý, nasıhattaý dep bilemin.

Keshegi kitaptyń tusaýkeser rásimindegi sózimdi qaıtalap aıtsam, men Dáýlet Bolatulymen 2001 jyldan beri tanyspyn. Sol kezden beri onyń sońynan bir sózdiń erip júrgenin estimeppin, bir ersi isin kórmeppin. Kerisinshe, onyń kóp adamǵa qamqorshy, el sportyna janashyr, kóptegen saýapty ispen aınalysyp júrgenin ǵana bilemin. Bir sózben aıtqanda, Dáýlet Bolatulynyń sharapatyn kórgen adam kóp. Sonyń ishinde jınaqta aty atalyp, ózi týraly maqala shyqqan myńnan astam bapker men balýan bar.

Bul jattyqtyrýshylar men balýandardyń eńbegin kitapqa kirgizip, solar týraly materıal daıyndaǵan belgili qalamgerler О́mirzaq Sultanov pen Syrym Hasenovke de alǵysym sheksiz. Bul kisilerdiń esimi elge keńinen tanymal. Ekeýi de sport taqyrybyna qalam tartyp, kóptegen eńbek jazǵan qalamgerler. Olar kitapqa sport jýrnalısteriniń materıaldaryn daıyndap, ózderi de maqala jazyp, kóp eńbektengen. Syrym Hasenov baýyrymyzdyń aıtýynsha, jınaqqa dúnıe jınaýǵa tórt jyl ýaqyt ketken. Tórt jyl! Qanshama eńbek deseńizshi.

Kitapqa pikir jazǵan ózi de sport taqyrybyna arnalǵan kóptegen eńbektiń avtory, sport tarıhshysy, belgili qalamger Qydyrbek Rysbektiń aıtýynsha, jınaqqa burynǵy Semeı óńiri, búgingi Abaı oblysynyń respýblıkalyq, halyqaralyq arenalarda keńinen tanylǵan balýandary men olardy jattyqtyrǵan bapkerler, ataqty tóreshiler, kúrestiń damýyna eleýli úles qosqan qaıratkerler týraly derekter men dúnıeler kirgizildi.

—Bul jınaq eki tom bolyp shyqty. Kitapta orta ǵasyrdan beri osy kezge deıin Semeı óńirinen shyǵyp, qalyń elge tanylǵan bapkerler men balýandardyń sporttaǵy jetistikteri, olardyń qıly taǵdyrynan syr shertetin jazba derekter bar. Kitap sport súıer qaýymǵa arnalǵan alǵashqy jınaqtalǵan tolymdy eńbek, — dedi ol.

Taǵy bir aıtatyn nárse, eki tomdaǵy materıaldy daıyndaý óz aldyna, kitaptaǵy fotosýretter de jaqsy shyqqan. Al fotony izdeý, ony tarıhqa aınaldyrý degenimiz bul da bir kózge kórinbeıtin eńbek. Bul fotolar Denderbaı Egizov, Qydyrbek Rysbek, Dáýlet Turlyhanov pen maqala avtorlarynyń arhıvterinen, áleýmettik jeli paraqshalarynan alynǵan.

Kitapty qarap otyryp, onyń sapasyna da mán beremiz ǵoı. Jaqsy kitap jaqsy bezendirilýimen de qundy. Osy rette jınaqty kompıýterde bettegen Serikbol Myrzabekov pen kóz maıyn tamyzyp, qatelerdi túzegen korrektor Damejan Elemesovanyń jáne kitaptyń demeýshisi DAEWOO KAZAKHSTAN (DEÝ BÝS KAZAHSTAN) jaýapkershiligi shekteýli seriktestiginiń bas dırektory Ásemhan Dosqojanovtyń atyn atap, saýapty iske aralasqany úshin rızashylyǵymdy bildiremin.

Qazaq sporty jasaı bersin!

 

Dastan KENJALIN,

ASTANA