SportPress.kz Qazaqstan sport jańalyqtary
Astanada ótip jatqan halyqaralyq mýltısporttyq «Bolashaq oıyndary – 2026» týrnıri kórermen qyzyǵýshylyǵy boıynsha joba tarıhyndaǵy eń joǵary kórsetkishke jaqyndap keledi.
«Jarystyń alǵashqy tórt kúniniń ózinde translıaııalar 85 mıllıonnan astam qaralymǵa jetti. Qazirgi qarqyn saqtalsa, týrnır aıaqtalǵanǵa deıingi jalpy aýdıtorııa kólemi 430-490 mıllıon qaralymǵa jetýi múmkin.
Mundaı nátıje halyqalalyq medıaseriktester jelisiniń aıtarlyqtaı keńeıýi yqpal etip otyr. Týrnır Qytaı, TMD, Ońtústik Amerıka, Úndistan men álemniń ózge de elderindegi jetekshi televızııalyq jáne ıfrlyq platformalar arqyly taratylyp jatyr. Negizgi seriktester qatarynda HUYA, BIGG TV, Play TV, XP Esports, VK, bilibili, Rutube men Douyu platformalary bar», dep habarlady Týrızm jáne sport mınıstrligi.
Vedomstvonyń málimetine qaraǵanda, kórermen aýdıtorııasynyń kóbeıýine ıfrlyq platformalar da aıtarlyqtaı yqpal etip otyr. Buǵan deıin bolǵan týrnırde barlyq qaralymnyń shamamen 82 paıyzy strımıngtik servısterge tısili bolsa, bıyl bul kórsetkishtiń odan ári ósip kele jatqany baıqalady.
Týrnırdiń eń joǵary kórermen kórsetkishi aldaǵy fınaldyq jarystar kezinde bolady.
5 tamyzda Dota 2 týrnıriniń fınaly bolsa, 8-9 tamyzda Counter-Strike 2, Mobile Legends: Bang Bang pen fıdjıtal-fýtbol jarystarynyń jeńimpazdary anyqtalady. Sarapshylar dál osy básekeler jalpy aýdıtorııa ósimniń negizgi draıverine aınalady dep boljap otyr.
Týrnıriniń Astanada uıymdastyrylýy Qazaqstannyń halyqaralyq deńgeıdegi sporttyq ári tehnologıılyq is-sharalardy tıisti deńgeıde ótkize alatyn el ekenin taǵy bir márte dáleldep otyr.
Mıllıondaǵan sheteldik kórermendi qamtyǵan translıaııalar Qazaqstannyń halyqaralyq deńgeıdegi mártebesin arttyryp, elimizdiń álemdik fıdjıtal ındýstrııalyq pozıııasyn nyǵaıtýǵa yqpal etip jatyr.
Eske sala ketsek, «Bolashaq oıyndary» – dástúrli sport pen ıfrlyq tehnologııalardy ushtastyratyn halyqaralyq mýltısporttyq týrnır. Bıylǵy jarys 29 shildede bastaldy. Ol 9 tamyzǵa deıin bolady.
Dastan KENJALIN
