Bıbisara Asaýbaeva Olımpıadaǵa qatysady

Halyqaralyq shahmat federaııasy (FIDE) 15–27 qyrkúıek aralyǵynda О́zbekstannyń Samarqand qalasynda ótetin 46-Dúnıejúzilik shahmat olımpıadasyna qatysatyn Qazaqstan áıelder quramasynyń tizimin jarııalady.

Qazaqstan quramasynyń sapynda Bıbisara Asaýbaeva (eresekter arasyndaǵy áıelder reıtınginde 5-oryn), Alýa Nurman (jasóspirim qyzdar arasyndaǵy álemdik reıtıngte 2-oryn), Merýert Kamalıdenova (jasóspirim qyzdar arasyndaǵy álemdik reıtıngte 4-oryn), Elnaz Qalıahmet (jasóspirim qyzdar arasyndaǵy álemdik reıtıngte 22-oryn) pen Zarına Nurǵalıeva (jasóspirim qyzdar arasyndaǵy álemdik reıtıngte 23-oryn) oınaıdy.

Komandanyń kapıtany – Pavel Koýr.

Buǵan deıin Dúnıejúzilik shahmat olımpıadasy 2024 jyly Býdapeshtte ótip, Qazaqstannyń áıelder quramasy tarıhta alǵash ret kúmis medaldi jeńip aldy. Fınalda olar Úndistan quramasynan jeńilgen edi.

Bıylǵy Olımpıadaǵa jalpy sany 400 komanda qatysady: olardyń 208-i ashyq týrnırde, al 192-si áıelder týrnırinde baq synaıdy.

Olımpıadanyń ashylý saltanaty 15 qyrkúıekte bolady. Al 16–27 qyrkúıek aralyǵynda shahmatshylar klassıkalyq ýaqyt baqylaýymen shveıarııalyq júıe boıynsha 11 týr oınaıdy.

Dastan KENJALIN