«О́z aramyzda ótirik aıtatyn adam bar» – Fabıo Kannavaro

Fýtboldan О́zbekstan ulttyq quramasynyń bas jattyqtyrýshysy Fabıo Kannavaro alǵash ret komandanyń álem chempıonatyndaǵy oıyndaryna qorytyndy jasap, quramanyń sátsizdigin túsindirdi.

Instagram-daǵy efırden belgili bolǵandaı, baspasóz máslıhatynda bas jattyqtyrýshyǵa álemdik dodadan keıin nelikten birden komandamen birge О́zbekstanǵa barmaı, Italııaǵa demalýǵa ketip qalǵany, bas jattyqtyrýshy retinde qansha aılyq alatyny, quramanyń aldaǵy Azııa kýbogyna daıyndyǵy týraly suraqtar qoıyldy.

Kannavaro syn-pikirler men álem chempıonatynan keıin el arasynda taraǵan neshe túrli qaýesetke jaýap berdi.

Ol aldymen álem chempıonatynan keıin Italııaǵa demalýǵa ketti degen aqparatty joqqa shyǵardy. Bas jattyqtyrýshy mýndıaldan keıin óz eline О́zbekstan Sýperlıgasyndaǵy úziliske baılanysty ǵana barǵanyn aıtty.

Osy rette ol ulttyq quramanyń álem chempıonatyndaǵy oıynyna qatysty pikir bildirdi.

«Álem chempıonatynda komandalardyń qarqyny óte kúshti. Men ózim fýtbolshy retinde tórt álem chempıonatyna qatystym. Sondyqtan bárin óz kózimmen kórgennen keıin aıtyp otyrmyn. Jalpy, О́zbekstan fýtbol qaýymdastyǵy (О́FQ) ulttyq qurama komandany mýndıalǵa jaqsy daıyndady. Uıymdastyrý jaǵynan eshqandaı kinárat bolǵan joq. Al nelikten keıbir oıynshylar quramǵa qosylmaǵany týraly aıtsam, Týrgýnboev pen Hojımat Erkınov jarysqa qazirgi sporttyq babyna baılanysty barmady. Iá, kóp adam Týrgýnboev pen Hojımat Erkınov nege quramǵa alynbady dep suraıdy. Men olardyń babyna qaradym. Ekeýimen de jeke sóılestim», dedi ol.

Baspasóz máslıhatynda ol ulttyq qurama týraly jalǵan aqparat taratqan adamdardy da aıtty. Italııalyq bapker ulttyq quramanyń aınalasynda jalǵan aqparattyń kóp taralǵanyn aıtyp, ony keıbir adamdardyń ádeıi, qasaqana istegenin jetkizdi. Sonymen birge ol keıbir adamdar oılaǵandaı jylyna 4 mln eýro almaıtynyn, federaııanyń kelisimmen ózi Italııadan shaqyryp alǵan kómekshilerine óz qaltasynan aılyq beretinin atap ótti.

«Men jylyna 4 mln eýro almaımyn. Meniń kómekshim Rolando Bıankı quramada tegin jumys istedi. Buǵan deıáin quramada jaqsy jergilikti mamandar boldy. Biraq men massajıstter men fızıoterapevtterdi Italııadan ákelgim keldi. Olarǵa óz qaltamnan aqsha tóleımin», dedi ol.

Osydan keıin Kannavaro ulttyq qurama týraly ótirik aıtatyn adamdardyń atyn atmasa da shet jaǵyn ymmen túsindirgisi keldi.

«Bireý óte kóp ótirik aqparat taratty. О́z aramyzda ótirik aıtatyn adam bar. Bul meniń sheteldik bapker bolǵanym úshin bolýy múmkin.  Biraq, men sizderge aıtaıyn, biz ustanǵan erejelerdi men oılap tapqan joqpyn. Bul – Eýropada qalyptasqan standarttar. Sondyqtan men týraly nelikten osynshama kóp ótirik aqparat taraldy dep oılaımyn. Sony túsinbedim. Burynǵy bas jattyqtyrýshy Kapadze – jaqsy maman, árıne. Ol jaqsy nátıje kórsetti. Biraq bul meni únemi synaýǵa sebep bolmaýy kerek qoı», dedi Kannavaro.

Jıynda Azııa kýbogyna daıyndyq týraly da áńgime boldy.

Ol Azııa kýbogyna deıin quramda ózgerister bolatynyn ashyp aıtty. Jasyrǵan joq. Onyń aıtýynsha, endi ulttyq quramaǵa oıynshylar burynǵy jetistikteri úshin emes, qazirgi kórsetken oıynyna qaraı shaqyrylady.

«Birden basyn ashyp aıtaıyn, Azııa kýbogy aldynda komandanyń quramy ózgeredi. Biz endi jastarǵa kóbirek múmkindik beremiz. Budan bylaı ulttyq quramaǵa burynǵy eńbegi úshin emes, ózin jaqsy qyrynan kórsetip júrgen fýtbolshylar ǵana shaqyrylady», dedi Kannavaro.

Kannavaro ultyq quramanyń Azııa kýbogyna qydyryp barmaıtynyn eskertti.

«Biz Azııa kýbogyna qydyryp qaıtý úshin barmaımyz. Men osy qyzmetke kelgendeálem chempıonatynda birden nátıje kútpeńizder dep aıttym. Solaı ma?! Al endi Azııa kýbogynda biz shamamyz kelgenshe jaqsy oınaýǵa tyrysamyz. Endi eshbir qarsylastan qoryqpaımyz», dedi bas jattyqtyrýshy.

Sóz sońynda Kannavaro aladǵy kezde Tashkentte Iran quramasymen joldastyq match ótkizý týraly kelissózder júrip jatqanyn habarlady. Ol fýtbolshylardyń alańda bir-birimen túsinistikte oınaýdyń mańyzdylyǵyn atap ótti. Álem chempıonatynyń keıbir kadrlyq sheshimderiniń durys bolmaǵanyn moıyndady. Sodan keıin jas ózbek fýtbolshylarynyń bolashaǵy zor ekenin, olar kóbirek Eýropa chempıonattarynda oınaý kerektigin aıtty.

О́zbekstan quramasy bıylǵy jylǵy álem chempıonatyna tuńǵysh ret qatysyp, úsh oıynnyń bárinde de birde-bir upaı alǵan joq. Olar birinshi matchta Kolýmbııadan 1:3 esebimen jeńilgen edi.

Dastan KENJALIN