Aýyr atletıka: Nurjan Jumabaı Azııa chempıony atandy

Jasóspirimder arasynda aýyr atletıkadan О́zbekstannyń Tashkent qalasynda ótip jatqan Azııa chempıonatynda Qazaqstan quramasynyń qorjynyna taǵy bir altyn men qola medal tústi.

Nurjan Jumabaı jas jetkinshekter arasynda 95 kelige deıingi salmaqta top jardy. Ol qossaıys qorytyndysy boıynsha 354 (159+195) kelini kóterdi.

Álıhan Áskerbaı dál osy salmaqta jasóspirimder arasynda úshinshi oryn aldy. Otandasymyz qossaıystyń nátıjesi boıynsha 361 (163+198) kelini basynan asyrdy.

77 keliden asa salmaqta jas jetkinshekter arasynda Sofıa Sheshýkova 232 (100+132) kelini kóterip, qola júldege ıe boldy.

Keshe Aqjol Qurmanbek qossaıysta 358 kg (160+198) kóterip, Azııa chempıony atandy.

Onyń aldynda jasóspirimder arasynda Aıanat Jumaǵalı 77 kelige deıingi salmaqta top jardy. Ol qossaıysta 237 (104+133) kelini kóterdi.

12 tamyzda Tórehan Asanhan 70 kelige deıingi salmaqta ekinshi oryn aldy. Ol qossaıys qorytyndysy boıynsha 269 (119+150) kelini basynan asyrdy.

Dastan KENJALIN,

ASTANA