Rybakına resmı túrde álemniń birinshi raketkasy atandy

Qazaqstannyń áıelder arasyndaǵy jekeleı syndaǵy birinshi raketkasy Elena Rybakına Áıelder tennısi qaýymdastyǵynyń (WTA) álemdik reıtınginde resmı túrde kósh bastady.

Tennıs federaııasynyń habarlaýynsha, Rybakınada reıtıng jańartylǵannan keıin 9 901 upaı bar. Ol ekinshi orynnan birinshi orynǵa kóterilip, 7 875 upaımen ekinshi satyda turǵan Arına Sobolenkodan ozdy.

Tennısshiler arasyndaǵy aıyrmashylyq 2 026 upaı boldy. Úzdik úshtikte 7 265 upaımen amerıkalyq Djessıka Pegýla tur.

«AQSh-tyń ashyq chempıonaty (US Open-2026) birinshi oryn úshin sheshýshi týrnır boldy. Rybakınaǵa qytaılyq Chjen ınvendi jeńip, jartylaı fınalǵa shyqqanda týrnırdiń keıingi nátıjelerine qaramastan álemdik reıtıngtegi kóshbasshylyqty qamtamasyz etti. US Open bastalǵan kezde birinshi orynǵa Arına Sobolenko, Djessıka Pegýla men Koko Gaýff ta talasqan bolatyn.

Keıin Rybakına álemniń birinshi raketkasy mártebesin ıelenip qana qoımaı, týrnırdi chempıondyq ataqpen aıaqtady. Fınalda ol Arına Sobolenkony 6:4, 5:7, 6:2 esebimen jeńdi. Bul otandasymyzdyń US Open týrnırindegi alǵashqy jáne mansabyndaǵy «Úlken dýlyǵa» jarystaryndaǵy úshinshi tıtýly boldy», delingen habarlamada.

Osylaısha, 27 jastaǵy Elena Rybakına WTA tarıhynda álemdik reıtıngtiń birinshi satysyna kóterilgen 30-shy tennısshi atandy. Sondaı-aq ol erler men áıelder arasynda jekeleı synda álemdik reıtıngte kósh bastaǵan Qazaqstannyń tuńǵysh ókili boldy.

Buǵan deıin habarlanǵandaı, Elena Rybakına AQSh-tyń ashyq chempıonatynyń fınalynda  úshinshi ret «Úlken dýlyǵa» týrnıriniń jeńimpazy atandy. Ol Belarýs ókili Arına Sobolenkony jeńgen edi.

Rybakına US Open týrnırindegi jeńisi úshin 5,5 mıllıon dollar syıaqy aldy.

Dastan KENJALIN,

ASTANA