Elena Rybakına elge kele jatyr

Tennısten álemniń birinshi raketkasy Elena Rybakına Astana men Almaty qalalaryna baryp, jas sportshylarǵa sheberlik sabaqtaryn beredi.

Rybakına elde bir apta bolady. Osy ýaqytta ol balalarǵa sheberlik sabaqtaryn berip, óz tájirıbesimen bólisedi. Sodan keıin  jankúıerlermen kezdesedi. Sonymen qatar, sportshy ınınnatıde ótken WTA 1000 sanatyndaǵy týrnırde alǵan Ahıll sińiriniń jaraqatyna baılanysty medıınalyq tekserýden ótedi. Dál osy jaraqattyń saldarynan tennısshi atalǵan týrnırdiń shırek fınalyna qatysýdan bas tartýǵa májbúr bolǵan edi. Aıaǵyndaǵy jaraqat US Open-2026 týrnıri kezinde de tennısshini mazalady. Alaıda sportshy jaraqatyna qaramastan, týrnırde aýyrsynýdy basatyn dárilerdiń kómegimen oınap, chempıondyq tıtýldy jeńip aldy.

Buǵan deıin Rybakına Wimbledon-2022 týrnıri men Australian Open-2026 ashyq chempıonatyn jeńip alǵan. AQSh ashyq chempıonatyndaǵy jeńisi arqyly ol Qazaqstan qorjynyna jekeleı synda úshinshi «Úlken dýlyǵa» júldesin ákelip, elimizdiń atyn álemdik tennıs tarıhyna jazdy.

Jattyqtyrýshylar shtabynyń málimetine qaraǵanda, Rybakınanyń emdelýi men tolyq qalpyna kelýine keminde eki apta qajet. Osyǵan baılanysty sportshy Qytaıda ótetin Bıllı Djın Kıng kýboginiń fınaldyq kezeńine qatysa almaıdy. Aldaǵy ýaqytta tennısshiniń basty maqsaty – densaýlyǵyn qalpyna keltirip, tolyqqandy jattyǵý proesine oralý.

Rybakına halyqaralyq arenada Qazaqstannyń namysyn qorǵaýdy maqtan tutatynyn talaı ret atap ótken. Onyń jetistikteri otandyq tennıs úshin erekshe mańyzǵa ıe. Al US Open týrnırindegi jeńisi men álemdik reıtıngtiń kósh basyna shyǵýy Qazaqstan sporty tarıhyndaǵy mańyzdy beleske aınaldy.

Buǵan deıin Elena Rybakınanyń álemniń birinshi raketkasy atanǵanyn habarlaǵan edik. Osy jetistiginiń arqasynda ol qomaqty tabys tapty.

Dastan KENJALIN,

ASTANA