SportPress.kz قازاقستان سپورت جاڭالىقتارى
ەركىن كۇرەستەن قازاقستان قۇراماسىنىڭ وكىلى نۇرقوجا قايپانوۆ استانادا ءوتىپ جاتقان الەم چەمپيوناتىندا كۇمىس مەدالعا يە بولدى.
ول 74 كەلىگە دەيىنگى سالماقتىڭ فينالىندا ونەر كورسەتتى. وتانداسىمىز فينالدا رەسەي وكىلى ينالبەك شەريەۆپەن كۇرەستى.
ناتيجەسىندە قايپانوۆ قارسىلاسىنا جول بەرىپ، الەم چەمپيوناتىن كۇمىس مەدالمەن اياقتادى.
قايپانوۆ فينالعا دەيىن ءتورت بەلدەسۋدە جەڭىسكە جەتتى. ول كوسوۆو وكىلى ەگزون حونيدەن، ازەربايجان بالۋانى تۋران بايراموۆتان، تاجىكستان وكىلى ۆيكتور راسساديننەن جانە جاپونيالىق يوشينوسۋكە اوياگيدەن باسىم ءتۇستى.
نۇرقوجا قايپانوۆ الەم چەمپيوناتىندا فينالعا جولداما العان قازاقستان قۇراماسىنىڭ جالعىز وكىلى اتاندى. ال جارتىلاي فينالعا دەيىن جەتىپ، قولا مەدال ءۇشىن بەلدەسكەن اسىل ايتاقىن الەم چەمپيوناتىن بەسىنشى ورىنمەن اياقتادى.
بۇعان دەيىن نۇرقوجا 2024 جىلى الەم چەمپيونى اتانىپ، 2019 جىلى كۇمىس، ال 2025 جىلى قولا مەدال يەلەنگەن ەدى.
داستان كەنجالين،
استانا
