Nurqoja Qaıpanov álem chempıonatynyń kúmis júldegeri atandy

Erkin kúresten Qazaqstan quramasynyń ókili Nurqoja Qaıpanov Astanada ótip jatqan álem chempıonatynda kúmis medalǵa ıe boldy.

Ol 74 kelige deıingi salmaqtyń fınalynda óner kórsetti. Otandasymyz fınalda Reseı ókili Inalbek Sherıevpen kúresti.

Nátıjesinde Qaıpanov qarsylasyna jol berip, álem chempıonatyn kúmis medalmen aıaqtady.

Qaıpanov fınalǵa deıin tórt beldesýde jeńiske jetti. Ol Kosovo ókili Egzon Honıden, Ázerbaıjan balýany Týran Baıramovtan, Tájikstan ókili Vıktor Rassadınnen jáne japonııalyq Ioshınosýke Aoıagıden basym tústi.

Nurqoja Qaıpanov álem chempıonatynda fınalǵa joldama alǵan Qazaqstan quramasynyń jalǵyz ókili atandy. Al jartylaı fınalǵa deıin jetip, qola medal úshin beldesken Asyl Aıtaqyn Álem chempıonatyn besinshi orynmen aıaqtady.

Buǵan deıin Nurqoja 2024 jyly álem chempıony atanyp, 2019 jyly kúmis, al 2025 jyly qola medal ıelengen edi.

Dastan KENJALIN,

ASTANA