SportPress.kz Qazaqstan sport jańalyqtary
Qazaqstan kúres federaııasynyń prezıdenti Erkin Oqasov balýandardyń álem chempıonatyndaǵy kúresine kóńili tolmaıtynyn aıtyp, barsha jankúıerden keshirim surady, dep habarlaıdy SportPress.kz.
Ol balýandardan budan da jaqsy kórsetkish kútkenin, aldaǵy ýaqytta nátıjeni jaqsartý federaııa jumysynyń basty mindeti bolatynyn atap ótti.
«Balýandardyń álem chempıonatyndaǵy nátıjesine kóńilim tolmaıdy. Biz budan jaqsy kórsetkish kútken edik. Al chempıonatty uıymdastyrý turǵysynan Astana ózine júktelgen mindetti abyroımen atqardy. Álemdik dodadaǵy nátıje úshin federaııanyń atynan barsha jankúıerden keshirim suraımyn.
Biz jumysymyzdy endi bastap jatyrmyz. Aldaǵy ýaqytta sportshylarymyzdyń nátıjesin jaqsartý úshin bar kúsh-jigerimdi jumsaýǵa daıynmyn.
Bul meniń ǵana emes, jattyqtyrýshylar men balýandardyń da ortaq maqsaty. Bizdi qoldap, toǵyz kún boıy jankúıer bolǵan barshańyzǵa alǵys aıtamyn!» dedi Erkin Qadyrǵalıuly.
Sonymen birge ol chempıonatty uıymdastyrýǵa atsalysqan azamattarǵa alǵysyn bildirdi.
Osydan keıin Qazaqstan kúres federaııasy aldaǵy ýaqytta ulttyq quramalardyń daıyndyǵyn kúsheıtýge, jattyqtyrýshylar men sportshylardyń jumysyn jetildirýge jáne halyqaralyq jarystardaǵy nátıjeni jaqsartýǵa basymdyq beretinin málimdedi.
«Federaııa ujymy tóraǵa belgilegen mindetterdi iske asyrý úshin birlese jumys atqarýǵa daıyn. Basty maqsat – balýandardyń álemdik arenadaǵy básekege qabilettiligin arttyryp, jankúıer senimin aqtaý», dep habarlady Qazaqstan kúres federaııasynyń baspasóz qyzmeti.
Jarys týraly chempıonattyń jabylý saltanatynda Birikken kúres áleminiń (UWW) prezıdenti Nenad Lalovıch te óz pikirin bildirdi. Ol álemdik dodanyń uıymdastyrylýyna óte jaqsy baǵa berdi. Mártebeli meıman elimizdiń nebári 4-5 aıdyń ishinde osyndaı aýqymdy halyqaralyq jarysty ótkizýge daıyndalyp, barlyq uıymdastyrýshylyq mindetti laıyqty deńgeıde atqara alǵanyn erekshe atap ótti.
UWW prezıdenti álem chempıonatyn jaqsy uıymdastyrǵany úshin Qazaqstan kúres federaııasynyń tóraǵasy Erkin Oqasovqa halyqaralyq uıymnyń atynan arnaıy estelik syılyq pen chempıondarǵa arnap tigilgen RUDIS kompanııasynyń jeıdesin tabys etti. Osy arada aıta ketetin bir nárse, mundaı marapat elimizdiń kúres tarıhynda alǵash ret berilip otyr.
Bıylǵy álemdik doda 1 qarashada máresine jetti. Osy kúni Astanadaǵy «Barys Arena» sport kesheninde álem chempıonaty saltanatty jaǵdaıda aıaqtalyp, jer-júziniń 135 elinen kelgen 900-den astam balýan óz elderine qaıtty.
Astanadaǵy dúrmekti doda toǵyz kúnge sozyldy. Osy ýaqytta balýandar 30 salmaq dárejesinde júldelerdi sarapqa saldy.
Álem chempıonatynyń aýyspaly týy 2027 jylǵy dodany uıymdastyratyn AQSh delegaııasynyń ókilderine tapsyryldy.
Eske sala ketsek, Grek-rım kúresiniń sheberleri bastap bergen álem chempıonatyn áıelder kúresi men erkin kúres balýandary túıindedi. О́kinishke qaraı, elorda tórindegi álemdik dodada elimizdiń Ánurany shyrqalmady.
Bıylǵy kúres túrlerinen álem chempıonatynda Qazaqstan quramasy bes medal jeńip aldy. Onyń ishinde bir kúmis jáne tórt qola júlde bar. Ulttyq qurama jalpykomandalyq esepte 15-orynǵa ıe boldy.
