Krıshtıaný Ronaldý «Realdan» ketedi me?

Sońǵy aptada madrıdtik «Realdyń» oıynshysy Krıshtıaný Ronaldý komanda aýystyratyny jaıly sybys kóbeıip ketti. Portýgalııalyq fýtbolshy shyn máninde Ispanııadan ketedi me?

Marca basylymynyń aqparaty boıynsha Krıshtıaný Ronaldýdy bul iske ıtermelegen – salyq máselesi. Iaǵnı, 7-nómirli oıynshyǵa salyq tóleýden jaltardy degen aıyp taǵylyp otyr. Al osy turǵyda Florentına Peres bastaǵan klýb basshylyǵy ony laıyqty deńgeıde qorǵamaı otyrǵany Ronaldýdyń kóńiline kelgen sekildi.

Brıtanııalyq Independent basylymynyń málimetine sáıkes, Ronaldý ulttyq quramadaǵy áriptesterine de, «Real» basshylyǵyna da «Santıago Bernabeýge» qaıtyp oralmaıtynyn aıtypty. Madrıdtik ujym onyń transferlik qunyn 400 mln eýroǵa baǵalap otyr. Portýgalııalyq oıynshy shyn máninde Madrıdten keter bolsa, «Parı Sen Jermen» men «Manchester Iýnaıted» klýbtary ony satyp alýǵa nıetti.

Degenmen, klýb basshylyǵy Konfederaııa kýbogy kezinde bul raıynan qaıtady dep úmittenip otyr. Agenti Jorje Mendesh «Real» basshylyǵyna Anglııa, Franııa, Qytaı elderiniń komandalary qyzyǵýshylyq tanytyp otyrǵanyn jetkizdi.

Al Tuttosport málimeti boıynsha «Manchester Iýnaıted» Krıshtıaný Ronaldý men Alvaro Morata úshin negizgi qaqpashysy Davıd De Hea men 210 mln eýro usynýǵa daıyn. Al londondyq «Chelsı» rekordty deńgeıde qarjy jumsamaı, ony basty juldyzy Eden Azarmen almastyrǵysy keledi.

Aıta keteıik, Ispanııa prokýratýrasy onyń 2011-2014 jyldary 150 mln eýro kóleminde tabysynan 14,7 mln eýro salyq tólemedi dep aıyp taǵyp otyr. Bul aıyptaý rastalǵan jaǵdaıda, oıynshyǵa 28 mln eýro aıyppul salynyp, jeti jylǵa bas bostandyǵynan aıyrý jazasy kesiledi.