دميتري بالاندينمەن وليمپيادالىق جاتتىعۋ باستالادى

ۇلتتىق وليمپيادا كوميتەتى (قر ۇوك)  مەن «درۋگويتى» YouTube ارناسى بىرىگىپ، كارانتين ۋاقىتىندا ۇيدە دەنە شىنىقتىرۋعا ارنالعان جاتتىعۋلاردى باستايدى. بۇل تۋرالى قازاقستاندىق مما ارالاس جاۋىنگەرلىك جەكپە-جەك بىرىككەن فەدەراتسياسى حابارلادى.

بۇگىنگى ارنايى شىعارىلىمدا 2016 جىلعى وليمپيادا ويىندارىنىڭ چەمپيونى، ازيا ويىندارىنىڭ ءۇش دۇركىن چەمپيونى، ۋنيۆەرسيادا ويىندارىنىڭ جەڭىمپازى، جۇزۋدەن قازاقستان رەسپۋبليكاسىنىڭ ەڭبەك سىڭىرگەن سپورت شەبەرى دميتري بالاندين جاتتىعۋ وتكىزەدى. ونىڭ كارانتين كەزىندە دەنەنىڭ شىنىعۋىنا اسەرى كوپ بولادى.

ۇلتتىق وليمپيادا كوميتەتى كارانتيندە دەنە تاربيەسىمەن اينالىسقىسى كەلەتىن ادامداردى قولداي وتىرىپ، وليمپيادا چەمپيوندارى مەن فيتنەس سالاسىنداعى بەلگىلى كاسىبي مامانداردىڭ جاتتىعۋلارىن فيتنەس – online-كەشەنىنە تىركەدى.

سونداي-اق، بۇگىن فيتنەستەن كاسىپقوي مامان دامير ەسەنوۆتىڭ دەنە شىنىقتىرۋعا ارنالعان ترەنينگى وتەدى.

فۋنكتسيونالدىق جاتتىعۋلار ءوزىمىز كۇندەلىكتى جاساتىن تىزەنى بۇگۋ، العا ۇمتىلۋ، وتىرىپ تۇرۋ، اياقپەن، قولمەن يتەرۋ، تارتۋ، بۇراۋ جانە بۇرۋ سەكىلدى دەنە قوزعالىستارىنان تۇرادى.

جاتتىعۋلار مەن قىزىقتى باعدارلامالاردى ءار دۇيسەنبى، سارسەنبى جانە جۇما كۇندەرى كورە الاسىزدار. بۇل باعدارلامالار تەك كوروناۆيرۋس پاندەمياسىنا بايلانىستى كارانتين كەزىندە عانا ەمەس، ول اياقتاعاننان كەيىن دە سپورتپەن اينالىسۋعا مۇمكىندىك بەرەدى.  «درۋگويتى» YouTube-ارناسىمەن جانە ۇلتتىق وليمپيادا كوميتەتىمەن بىرگە دەنەڭىزدى ءبىر قالىپتا ۇستاڭىز.

ۇيدە وتىرىڭىزدار، اۋرۋدان ساقتانىڭىزدار!