SportPress.kz قازاقستان سپورت جاڭالىقتارى
قازاق سپورت جۋرناليستيكاسىندا تاباندى ەڭبەگىمەن ەل قۇرمەتىنە بولەنىپ جۇرگەن قالامگەرلەردىڭ اراسىندا شوقتىعى بيىك ءبىر جاندى ەرەكشە اتاعىم كەلەدى. ول – مۇساعالي تاسقاليەۆ.
وسى جۋرناليستيكا سالاسىنان قونىس اۋدارماي، كوپ جىلدار بويى تەر توگىپ، ەل العىسىن الىپ جۇرگەن بۇل ازاماتقا سپورت سۇيەر قاۋىمنىڭ ىقىلاسى ەرەكشە. قونىس اۋدارماي دەگەن ءسوزىمنىڭ ءتۇپ مانىنە كەلەتىن بولساق، كوپتەگەن جاس جۋرناليستەر ايتۋلى سالاعا ەكپەندىپ كەلىپ، اۋىرتپالىعىنا شىداماي، ەڭكەيىپ كەتىپ قالىپ جاتادى. زامان اعىمىنا قاراي جەڭىل جولدا تابىس كوزى دۇرىستاۋ جاققا بەت بۇرادى. ال، شىندىعىندا جۋرناليستيكا ماماندىعىنا جانىڭنىڭ قالاۋىمەن قانداي اۋىرلىق كەزدەسسە دە توزۋگە دايىن بولىپ كەلمەسە ەش ناتيجە بولمايدى. بۇل – اكسيوما.
مىنە، وسى جاعىنىن العاندا، مۇساعالي تاسقاليەۆتى كوپكە ۇلگى بولىپ جۇرگەن قوعامداعى ناعىز بەلسەندى، جازۋى وتكىر، باعىتى دۇرىس ارداقتى ارداگەر قالامگەردىڭ قاتارىنا جاتقىزار ەدىم. مۇساعالي ءوزى اشىپ العان «سپورت جۇلدىزدارى» مەن «ءبىلىم نۇرى» جۋرنالدارى بۇگىنگى تاڭدا اقپارات ايدىنىنداعى ەل ىزدەپ، سۇراپ وقيتىن باسىلىمداردىڭ بىرىنە اينالدى. ويتكەنى، «سپورت جۇلدىزدارىندا» ەلىمىزدىڭ ءار وڭىرىندە ءوتىپ جاتقان جارىستار مەن سپورتتىڭ شىڭىنا جەتكەن تۇلعالار تۋرالى دۇنيەلەر ساراپتامالىق تۇردە بايان ەتىلىپ وتىرادى. ال، سپورت تاقىرىبىندا مەرزىمدى تۇردە شىعاتىن جۋرنالدار قازىر جوقتىڭ قاسى. سول تۇرعىدان قاراعاندا مۇساعاليدىڭ جۋرنالىن كوشباسشى دەپ ايتۋعا بولادى. سوندىقتاندا وقىرماننىڭ سۇيىكتى جۋرنالدارىنىڭ ءبىرى. «ءبىلىم نۇرى» جۋرنالى دا قالىڭ وقىرماننىڭ ىزدەپ وقيتىن باسىلىمىنا اينالعان.
مۇساعاليدىڭ تاعى ءبىر ەرەكشەلىگى ونىڭ اقىنجاندىلىعى. ونىڭ قالامىنان تۋعان جىرلاردى بۇگىنگى كۇنى ەلىمىزدەگى ماڭدايالدى انشىلەر ەل ىشىندە ايتىپ ءجۇر. سونىمەن قاتار، جۇرەگىنەن جارىپ شىققان جىرلارى ەكى كىتاپ بولىپ باسىلىپ شىقتى. ۇلتجاندى اردا ازاماتتىڭ بويىنان، ومىرگە، ەلگە دەگەن سۇيىسپەنشىلىگى مەن قوعامداعى بەلسەندى ءومىرىن كورىپ، «بار بول باۋىرىم»، دەپ قۋانىپ قالاسىڭ.
مىنە، بۇگىن وسىنداي ەل قۇرمەت ەتكەن اسىل ازامات ەلۋدى ەڭسەرىپ وتىر. ەردىڭ جاسى ەلۋگە كەلگەن ارىپتەسىمىز ءارى دوسىمىز مۇساعالي تاسقاليەۆتى دۋماندى مەرەيتويىمەن قۇتتىقتاي وتىرىپ، زور دەنساۋلىق، سارقىلماس باقىت، باياندى عۇمىر، وتباسىنىڭ اماندىعىن تىلەيمىن!
مەنىڭ دوسىم 50-دە
مۇساعالي دوسىم بار اقتوبەدە تۇراتىن،
قابىرعالى قالامگەر، تۇلپار سىندى شاباتىن.
شابىتتانسا اقىن عوي، جىرلارى بار تارتىمدى،
وقىرمانى ريزا بوپ، راحاتتانىپ قالاتىن.
اقىن از با قازاقتا ماحابباتتى جىرلاعان؟
بۇل تاقىرىپ تالاي ءتۇن، ۇيقىنى دا ۇرلاعان.
مۇسا جازعان جىرلاردان، سەزىم سىرىن ۇعاسىن،
شۋماقتارى پا شىركىن، جانىندى وتتاي باۋراعان.
ەل سپورتى دەگەندە، مۇسا اتقا قونادى،
ساپارلاتىپ تىنىمسىز، بولىپ ءجۇر ەلدىڭ قوناعى.
جۋرنالىمەن قازاققا قانشا جاندى تانىتتى،
ساۋاپ جيناپ جان دوسىم، كوڭىلى تاۋداي بولادى.
قۋانىش پەن قايعى دا دوسىن ىزدەپ باراتىن،
ۇلكەنگە ىزەت، كىشىنى قۇرمەت تۇتىپ تۇراتىن.
جۇرەگى اق جومارت جان، كىشى ءجۇزدىڭ باتىرى،
ات مىنگىزىپ دوسىنا، جۇگەن ۇستاپ قالاتىن.
ەر جىگىتكە ەلۋ جاس جاراسادى باۋىرىم،
ءبىر توپ ەلىن ارتىندا، ەرىپ جۇرگەن قاۋىمىن.
جاياۋ مۇسا، ءبىرجان سال، اقان سەرى سەكىلدى،
سەرىسىڭ عوي سەندە ءبىر، باسىلماي جۇرگەن داۋىلىن.
كەيدە دوسقا جەتە الماي ساعىنۋمەن جۇرەمىز،
قيىر شەتتە تۇراسىن، ونى جاقسى بىلەمىز.
جۇرگەن جەرىن توي-دۋمان، جاراسىمدى ءازىل عوي،
وتكەن كۇندى ەسكە الىپ، جادىرايمىز، كۇلەمىز.
ەردىڭ جاسى ەلۋىن قۇتتى بولسىن جان دوسىم،
ىرىس قونىپ ۇيىنە، داستارحانىڭ مول بولسىن!
ساپارداسىن ۇنەمى، قالامىندى قولعا ۇستاپ،
الدىن اشىق ارقاشان، سايراعان اق جول بولسىن!
اقىن ورداباي ۇلى،
الماتى
Sportpress.kz اقپاراتتىق-ساراپتامالىق سپورت سايتىنىڭ رەداكتسياسى قازاق سپورت جۋرناليستيكاسىنا وزىندىك قولتاڭباسىن قالدىرعان بەلگىلى قالامگەر، اقىن «سپورت جۇلدىزدارى» جانە «ءبىلىم نۇرى» جۋرنالدارىنىڭ باس رەداكتورى مۇساعالي تاسقاليەۆتى ەردىڭ جاسى ەلۋ جاسقا كەلۋىمەن قۇتتىقتاپ، ارىپتەسىمىزگە دەنساۋلىق، قۇت-بەرەكە، شىعارماشىلىق تابىس تىلەيدى.
