ىزگىلىكپەن ورىلگەن ءومىر

بۇگىن الماتى قالاسىنداعى ك.احمەتوۆ اتىنداعى وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات كوللەدجىندە ەسىمى ەلگە بەلگىلى سپورت ءجۋرناليسى، س.بەردىقۇلوۆ اتىنداعى سىيلىقتىڭ لاۋرەاتى جانە ياحونتەۆ اتىنداعى بۇكىلوداقتىق «ءسوز ونەرى» بايقاۋىنىڭ جۇلدەگەرى اقىن ورداباي ۇلىنىڭ «ىزگىلىكپەن ورىلگەن ءومىر» اتتى كىتابىنىڭ تۇساۋكەسەرى جانە شاعىن فۋتبولدان باق وكىلدەرى مەن ارداگەر سپورتشىلار اراسىندا تۋرنير بولىپ ءوتتى.

اقىن ورداباي ۇلىنىڭ كىتابىندا ونىڭ 30 جىلدان بەرى سپورت جۋرناليستيكاسى سالاسىنداعى جۇمىسى ساراپتالىپ، قازاق سپورتىنىڭ دامۋىنا ءوز ۇلەستەرىن قوسقان كوپتەگەن سپورت ساڭلاقتارى تۋرالى قىزىقتى باياندالعان ەكەن. سونىمەن بىرگە جيناقتا تەك سپورت سالاسى ەمەس، اقاننىڭ وتكىر ماقالا، وچەركتەرى، پروزا جانە پوەزياسىنا دا ورىن بەرىلىپتى.

كىتاپتىڭ تۇساۋكەسەرىن قازاقتىڭ اتاقتى جەلاياعى، جەڭىلاتلەتيكادان كسرو-نىڭ 8 دۇركىن چەمپيونى، كسرو قارۋلى كۇشتەرىنىڭ 14 دۇركىن چەمپيونى، ەۋروپا كۋبوگىنىڭ يەگەرى، كسرو حالىقتارى سپارتاكياداسىنىڭ جەڭىمپازى ءامين تۇياقوۆ اعامىز كەسىپ، ءوزىنىڭ اق تىلەگىن جەتكىزدى.

تۇساۋكەسەرگە «ونەر» باسپاسىنىڭ ديرەكتورى، جازۋشى اشىربەك كوپىشەۆ، ك.احمەتوۆ اتىنداعى مەكتەپ-ينتەرنات كوللەدجى ديرەكتورىنىڭ ورىنباسارى دانارا بايدوسوۆا، «قازاقستان قىران» فەدەراتسياسىنىڭ پرەزيدەنتى باعدات مۇپتەكقىزى، اقاننىڭ ۇستازى، بەلگىلى كوممەنتاتور رابات جانىبەكوۆ، «جەلتوقسان اقيقاتى» رەسپۋبليكالىق قوعامىنىڭ توراعاسى بولات قۇرىمباەۆ، »قازترانسگاز» جشس ديرەكتورىنىڭ ورىنباسارى مۇقان سادۋاقاسوۆ جانە اقاننىڭ تۋعان جەرى قورداي اۋدانىنان كەلگەن اۋداندىق دەنە شىنىقتىرۋ جانە سپورت ءبولىمىنىڭ باسشىسى ديدار مولداعاليەۆ پەن «ەر نامىسى» قوعامدىق بىرلەستىگىنىڭ توراعاسى ەربولات اليادين ۇلى مەن باسقالارى قاتىسىپ، قۇتتىقتاۋلارىن جەتكىزدى.

ەربولات اعامىز اقانا « ۇلى دالا باتىرى» وردەنىن تابىس ەتسە، «جەلتوقسان اقيقاتى» بىرلەستىگىنىڭ توراعاسى بولات قۇرىمباەۆ اقاننىڭ جەلتوقسان كوتەرىلىسىنە بەلسەنە قاتىسۋشى ەكەنىن ەسكەرە وتىرىپ «جەلتوقساننىڭ 30 جىلدىعى» ەستەلىك مەدالىمەن ماراپاتتادى. قورداي اۋدانى اكىمشىلىگى مەن الماتى قالالىق قۇتقارۋ قىزمەتىنىڭ اتىنان العىس حات بەرىلدى.

وسى جەردە اقىن دوسىمىزدىڭ كىتابىن شىعارۋعا قولداۋ كورسەتكەن الماتى وبلىستىق دەنە شىنىقتىرۋ جانە سپورت باسقارماسىنىڭ باسشىسى، گرەك-ريم كۇرەسىنەن وليمپيادا ويىندارىنىڭ كۇمىس جۇلدەگەرى نۇرباقىت تەڭىزباەۆ، ەركىن كۇرەستەن وليمپيادا ويىندارىنىڭ قولا جۇلدەگەرى ماۋلەن مامىروۆ، دۇنيەجۇزىلىك قازاق كۇرەسى فەدەراتسياسىنىڭ قۇرمەتتى پرەزيدەنتى سەرىك تۇكيەۆ جانە «قازپوشتا» اق الماتى فيليالىنىڭ ديرەكتورى سايفۋتدين شامسۋتدينوۆ سەكىلدى قازاقتىڭ ءبىرتۋار ازاماتتارىنا ايتار العىسىمىز شەكسىز.

تۇساۋكەسەر قۇرمەتىنە وراي وتكىزىلگەن شاعىن فۋتبول ءتۋرنيرى دە قىزىقتى ءوتىپ، باس جۇلدەگە اقىن ورداباي ۇلى باستاپ شىققان جۋرناليستەر كومانداسى يە بولدى. جەڭىمپاز جانە جۇلدەگەر بولعان كوماندالاردى اقاننىڭ ۇستازى، پروفەسسور اسىلحان ابىشەۆ پەن اقىن ورداباي ۇلىنىڭ تۋىسى، اتاقتى كەنەن ازىرباەۆتىڭ تۋعان نەمەرەسى مۇرات كەنەنوۆتەر باعالى سىيلىقتارمەن ماراپاتتادى.

وسىلايشا كوكتەمنىڭ العاشقى كۇندەرى ەستە قالاتىن تاماشا ءبىر كەش بولىپ ءوتتى. جۇمىستىڭ كوپتىگى مەن جەر شالعايلىعىنا بايلانىستى اقىن دوسىمىزدىڭ قۋانىشىندا بولا الماساق تا جۇرەگىمىزبەن بىرگە بولىپ، قولداۋ كورسەتىپ وتىردىق. وسى اقپاراتتى دوسىمنىڭ قۋانىشىنا قوسقان ۇلەسىم بولسىن دەپ جازىپ، سىزدەرمەن ءبولىسىپ وتىرمىز اعايىن! «قۋانىش بولىسسە كوبەيەدى»، دەگەندەي وسىنداي قۋانىشتار كوپ بولسىن!

مۇساعالي تاسقاليەۆ،

«پرەزيدەنت جانە سپورت»، «سپورت جۇلدىزدارى» جۋرنالدارىنىڭ باس رەداكتورى، قازاق سپورت جانە تۋريزم اكادەمياسىنىڭ قۇرمەتتى پروفەسسورى

 اقتوبە