Izgilikpen órilgen ómir

Búgin Almaty qalasyndaǵy K.Ahmetov atyndaǵy Olımpıada rezerviniń respýblıkalyq mamandandyrylǵan mektep-ınternat kolledjinde esimi elge belgili sport jýrnalısi, S.Berdiqulov atyndaǵy syılyqtyń laýreaty jáne Iahontev atyndaǵy búkilodaqtyq «Sóz óneri» baıqaýynyń júldegeri Aqyn Ordabaıulynyń «Izgilikpen órilgen ómir» atty kitabynyń tusaýkeseri jáne shaǵyn fýtboldan BAQ ókilderi men ardager sportshylar arasynda týrnır bolyp ótti.

Aqyn Ordabaıulynyń kitabynda onyń 30 jyldan beri sport jýrnalıstıkasy salasyndaǵy jumysy saraptalyp, qazaq sportynyń damýyna óz úlesterin qosqan kóptegen sport sańlaqtary týraly qyzyqty baıandalǵan eken. Sonymen birge jınaqta tek sport salasy emes, Aqannyń ótkir maqala, ocherkteri, proza jáne poezııasyna da oryn berilipti.

Kitaptyń tusaýkeserin qazaqtyń ataqty jelaıaǵy, jeńilatletıkadan KSRO-nyń 8 dúrkin chempıony, KSRO Qarýly kúshteriniń 14 dúrkin chempıony, Eýropa kýbogynyń ıegeri, KSRO halyqtary Spartakıadasynyń jeńimpazy Ámın Tuıaqov aǵamyz kesip, óziniń aq tilegin jetkizdi.

Tusaýkeserge «О́ner» baspasynyń dırektory, jazýshy Áshirbek Kópishev, K.Ahmetov atyndaǵy mektep-ınternat kolledji dırektorynyń orynbasary Danara Baıdosova, «Qazaqstan qyran» federaııasynyń prezıdenti Baǵdat Múptekqyzy, Aqannyń ustazy, belgili kommentator Rabat Jánibekov, «Jeltoqsan aqıqaty» respýblıkalyq qoǵamynyń tóraǵasy Bolat Qurymbaev, »QazTransGaz» JShS dırektorynyń orynbasary Muqan Sadýaqasov jáne Aqannyń týǵan jeri Qordaı aýdanynan kelgen aýdandyq dene shynyqtyrý jáne sport bóliminiń basshysy Dıdar Moldaǵalıev pen «Er namysy» qoǵamdyq birlestiginiń tóraǵasy Erbolat Alııadınuly men basqalary qatysyp, quttyqtaýlaryn jetkizdi.

Erbolat aǵamyz Aqana «Uly dala batyry» ordenin tabys etse, «Jeltoqsan aqıqaty» birlestiginiń tóraǵasy Bolat Qurymbaev Aqannyń Jeltoqsan kóterilisine belsene qatysýshy ekenin eskere otyryp «Jeltoqsannyń 30 jyldyǵy» estelik medalimen marapattady. Qordaı aýdany ákimshiligi men Almaty qalalyq Qutqarý qyzmetiniń atynan Alǵys hat berildi.

Osy jerde Aqyn dosymyzdyń kitabyn shyǵarýǵa qoldaý kórsetken Almaty oblystyq dene shynyqtyrý jáne sport basqarmasynyń basshysy, grek-rım kúresinen Olımpıada oıyndarynyń kúmis júldegeri Nurbaqyt Teńizbaev, erkin kúresten Olımpıada oıyndarynyń qola júldegeri Maýlen Mamyrov, Dúnıejúzilik qazaq kúresi federaııasynyń qurmetti prezıdenti Serik Túkıev jáne «Qazposhta» AQ Almaty fılıalynyń dırektory Saıfýtdın Shamsýtdınov sekildi qazaqtyń birtýar azamattaryna aıtar alǵysymyz sheksiz.

Tusaýkeser qurmetine oraı ótkizilgen shaǵyn fýtbol týrnıri de qyzyqty ótip, bas júldege Aqyn Ordabaıuly bastap shyqqan jýrnalıster komandasy ıe boldy. Jeńimpaz jáne júldeger bolǵan komandalardy Aqannyń ustazy, professor Asylhan Ábishev pen Aqyn Ordabaıulynyń týysy, ataqty Kenen Ázirbaevtyń týǵan nemeresi Murat Kenenovter baǵaly syılyqtarmen marapattady.

Osylaısha kóktemniń alǵashqy kúnderi este qalatyn tamasha bir kesh bolyp ótti. Jumystyń kóptigi men jer shalǵaılyǵyna baılanysty Aqyn dosymyzdyń qýanyshynda bola almasaq ta júregimizben birge bolyp, qoldaý kórsetip otyrdyq. Osy aqparatty dosymnyń qýanyshyna qosqan úlesim bolsyn dep jazyp, sizdermen bólisip otyrmyz aǵaıyn! «Qýanysh bólisse kóbeıedi», degendeı osyndaı qýanyshtar kóp bolsyn!

Musaǵalı TASQALIEV,

«Prezıdent jáne sport», «Sport juldyzdary» jýrnaldarynyń bas redaktory, Qazaq Sport jáne Týrızm akademııasynyń qurmetti professory

 AQTО́BE