Túrki elderiniń týrnıri tý tikti

Búgin «Astana Arena» stadıonynda fýtboldan alǵash ret Túrki keńesiniń dıplomatııalyq ókildikteri, baqylaýshy elderi men Qazaqstanda tirkelgen halyqaralyq uıymdardyń arasynda týrnır ótti.

Is-shara túrkitildes elderdiń yntymaqtastyq kúnine jáne túrki memleketteri táýelsizdiginiń 30 jyldyǵyna arnaldy.

Týrnırge barlyǵy 11 komanda qatysty. Jarysta  Ázirbaıjan, Vengrııa, Qyrǵyzstan, Túrkimenstan, Túrkııa, О́zbekstan elshilikteri men Halyqaralyq Túrki akademııasy, Azııadaǵy ózara yqpaldastyq jáne Senim Sharalary jónindegi keńestiń hatshylyqtary (AО́SShK) jáne azyq-túlik qaýipsizdigi jónindegi Islam uıymynyń (IOFS) komandalary kúsh synasty. Qazaqstan Respýblıkasynyń Syrtqy ister mınıstrligine eki komandany qatystyrdy.

Jarystyń ashylý saltanatynda Qazaqstan Respýblıkasy Syrtqy ister mınıstriniń birinshi orynbasary Shahrat Nuryshev qatysýshylarǵa quttyqtaý sóz sóıledi.

Al týrnırde Vengrııa Elshiliginiń komandasy jeńimpaz atandy. Ekinshi oryndy Qazaqstan syrtqy saıasat vedomstvosy komandalarynyń biri jeńip aldy. Úshinshi oryndy Halyqaralyq Túrki akademııasy ıelendi.

Ilııas OMAROV