Alyptar aýyldan shyǵady

Jýyrda Jetisý óńirine jol túsip baryp qaıtqan edik. Kezinde  Ilııas Jansúgirov óz jyrlaryna arqaý bolyp kestelegen Jetisý ólkesiniń tumsa tabıǵatyna súısinip, ózińniń de kómeıińnen jyr sýyrlyp shyǵatyndaı kúıde bolasyń. Allanyń nury qonǵan jerdiń bir jannaty dersiń. Kólikpen jeldeı esip bara jatyp, qazaǵymnyń keń baıtaq dalasyna kóziń toımaı tamsana qaraı beresiń. Bul bir ǵajap áserli kórinis.

Taldyqorǵan qalasyna kelip taban tiregennen keıin, grek-rım kúresinen Olımpııa oıyndarynyń kúmis júldegeri, Almaty oblysy sport basqarmasynyń bastyǵy, óńir sportynyń damýyna ólsheýsiz úles qosyp júrgen daraboz balýan Nurbaqyt Teńizbaevpen bir tamasha kezdesý boldy.

Men kelgende  oblys ortalyǵyndaǵy birneshe sport keshenderinde Almaty oblysy memlekettik qyzmetkerleriniń arasynda sporttyń 7 túrinen Spartakıada bolyp jatyr eken. Ár aýdannyń myqtylary jeńis úshin jan aıamaı kásibı sportshylardaı sheberlikterin salyp-aq jatyr. Ásirese, ortalyqta barlyq halyqaralyq standartqa saı sý jańadan salynǵan  sýalabynda uzaqtyqqa júzý, shalqalaı maltaý sekildi túrlerden synǵa túsken aýdan, aýylda turatyn qyzmetkerlerdiń sheberligine kóz almaı qarap, úlken áser aldym. Iá, eldegi aǵaıyndardyń mundaı jaqsy kórsetkishterdi kórsetýi óńirlerde sportqa degen zor kóńil bólinýdiń arqasynda dep aıtýǵa tolyqtaı negiz bar. О́ıtkeni, qazir Almaty oblysynyń ár aýdanynda tipti, keıbir aýyldarda sport keshenderi bylaı tursyn, ózen sýy joq aımaqtardyń ózinde sý sportyna bar jaǵdaı jasalǵanyn baıqaısyz.

Endeshe, el sportynyń altyn dińgegi aýyl sportynda ekenin oblys sportynyń tizginin ustaǵan Nurbaqyt Teńizbaev jaqsy biledi. Sol úshin de bilikti maman aýyl sportyn damytý arqyly aýyldarda sport keshenderin salýǵa bar kúsh-jigerin sarp etýde. Aýylda týyp ósken adam ǵana aýyl turmysyn, aýyl jaǵdaıyn jaqsy biledi. Menińshe, kezinde oblys ákimi bolǵan Amandyq Batalov pen oblys sportynyń qazanynda qaınap aýyl jastaryna qamqorlyq qoldaýyn aıamaı júrgen bilikti basshy, bilgir maman, dańqty balýan Nurbaqyt Teńizbaevtyń eren eńbekteriniń jemisi búgingi kúni kóz aldyńa kórine bastaǵanynyń kýási bolasyz. Hosh, sonymen Jetisý jerine kelgen saparymda óńir sportynyń tynymsyz qarqyn alyp jatqanyna kóz jetkizip, erekshe áserde qaldym.

Búgingi kúni sporttyń ár túrinen Olımpıada, álem, Eýropa jarystarynda elimizdiń namysyn abyroımen qorǵap júrgen Almaty oblysynyń sportshylarynyń tolaǵaı tabystary óńirlerde jasalǵan jaqsy jaǵdaıdyń nátıjesi ekenine kóz jetkizesiz. Osyndaı qasıetti mekendegi sportshylardyń aıaq alysy týraly BAQ kózderinen jazǵan jazbalarym eskerýsiz qalmaǵan eken. Oblys sportynyń basshysy, belgili balýan Nurbaqyt Moldahmetuly qurmetpen maǵan dıplom tabys etti. Azǵana jazbamdy elep, eskerip bergen qurmetine balýanǵa zor alǵysymdy bildirdim.  Qazaqy dástúrmen mende óz tarapymnan osy jyly jaryqqa shyqqan «Izgilikpen órilgen ómir» atty qazaq sportynyń  qaıratkerleri týraly 30 jyldyq jıyp tergen eńbegim týraly jazǵan enıklopedııalyq kitabymdy dańqty balýanǵa  tartý ettim. Sosyn bul kezdesýde este qalar degen oımen estelik sýretke tústik. О́ńir sportynyń jarshysy Nurbaqyt Moldahmetulymen osylaısha qoshtasyp shyqqan keıin, osy Jetisý óńiriniń týmasy aty barsha qazaqqa málim áıgili balýan erkin kúresten aty aıshyqty balýan, qazaq jastary arasynan tuńǵysh ret Atlanta Olımpıadasynyń qola júldegeri atanǵan, sonymen qatar, qandastarymyzdyń arasynan Azııa oıyndarynynyń alǵash ret altyn júldesin jeńip alǵan aty barsha elge belgili balýan, Almaty oblysy olımpıadalyq rezevterdi daıarlaý ortalyǵynyń dırektory taǵy bir alashtyń asyl eri Máýlen Mamyrovpen kezdesip, shyǵarmashylyq kitabymdy asa qurmetpen tabys ettim. О́ıtkeni, Máýlen Satymbaıuly kitaptaǵy basty bir keıipkerlerdiń biri bolatyn. Osylaısha Jer jannaty Jetisýǵa baryp qaıtqan saparym men úshin erekshe tartymdy ári áserli  boldy.

Bul aımaqtan Nurbaqyt Teńizbaev, Máýlen Mamyrov syndy shoqtyǵy bıik áıgili balýandardyń izin basar áli jaryq juldyzdardyń shyǵatynyna bek senimdimin. Ol úshin naqty jaǵdaılar jasalynyp jatqany kózdi alyp tur. Al, jaǵdaı jasalǵan jerde jastarymyzda jarqyn jeńisimen jemisin beretini sózsiz.

Aqyn ORDABAIULY,

ALMATY