Qazaqtyń jas tennısshileri álemdegi úzdikter qataryna kirdi

Halyqaralyq tennıs federaııasy (ITF) 18 jáne odan kishi jastaǵylar arasynda jańartylǵan álemdik reıtıngti jarııalady.

Qazaqstan tennıs federaııasynyń habarlaýynsha, Arýjan Saǵyndyqova 77-orynǵa shyqty. Al Sandýǵash Kenjebaeva 79-orynnan 78-orynǵa kóterildi. Osy eki tennısshimiz álemdegi úzdik 100 oıynshynyń qataryna kirdi.

Budan basqa Janel Rústemova 147-orynǵa jaıǵasty. Dana Baıdáýlet 167-orynǵa ornalasty. Ol birden 49 satyny artqa tastady. Sonymen birge Erkejan Arystanbekova 193-shi, Aııa Nupbaı 211-satyǵa kóterildi. Ol 258-orynda bolatyn. Bir aptanyń ishinde Asyljan Arystanbekova (+10, 213-raketka) men Ińkár Dúısebaı (+33, 459-raketka) da óz kórsetkishterin jaqsartty.

Dastan KENJALIN,

ASTANA